Majibu ya Maswali ya Biblia
Je, maisha yana kusudi?
Je, nyakati fulani wewe huona kwamba maisha ni mafupi?
Je, umewahi kujiuliza ikiwa maisha yana maana zaidi tu ya kufanya kazi, kufunga ndoa, kutunza familia, na kuzeeka? (Ayubu 14:1, 2) Biblia inaonyesha kwamba hata watu wenye hekima walijiuliza swali kama hilo.—Soma Mhubiri 2:11.
Je, maisha yana kusudi? Kwanza, tunapaswa kujiuliza hivi: Uhai alianzaje? Baada ya kutafakari kuhusu ubongo na jinsi mwili wetu ulivyoumbwa katika njia ya ajabu, wengi wamefikia mkataa wa kwamba lazima kuna Muumba mwenye hekima. (Soma Zaburi 139:14.) Ikiwa ndivyo, lazima Muumba huyo awe na kusudi la kutuumba! Kujua jambo hilo kunaweza kutusaidia kuwa na kusudi maishani.
Kwa nini wanadamu waliumbwa?
Mungu aliwabariki wanadamu wawili wa kwanza na kuwapa mgawo mzuri sana. Alikusudia waijaze dunia, waifanye kuwa paradiso, na kuishi milele.—Soma Mwanzo 1:28, 31.
Kusudi la Mungu halikutimia wanadamu walipoasi utawala wake. Lakini Mungu hajabadili kusudi lake kuelekea wanadamu. Biblia inatuhakikishia kwamba Mungu amekuwa akifanya yote awezayo ili kuwaokoa watu waaminifu na kwamba kusudi lake kuhusu dunia litatimia! Hivyo, Mungu anataka uwe na kusudi maishani! (Soma Zaburi 37:29.) Katika Biblia, utajifunza jinsi ambavyo wewe binafsi unavyoweza kustahili kupata baraka za Mungu za wakati ujao.
Huenda Ukapenda Pia
MAJIBU YA MASWALI YA BIBLIA
Ni Nini Maana ya Uhai?
Je, umewahi kujiuliza, ‘Kusudi la uhai ni nini?’ Jifunze jinsi Biblia inavyojibu swali hilo
AMKENI!
Njia ya Maisha Inayoleta Furaha—Kuwa na Kusudi la Maisha
Kupata majibu yenye kuridhisha kuhusu maswali muhimu maishani huchangia kuleta furaha.
