Jioni iliyotangulia kifo chake, Yesu aliwaagiza wafuasi wake waaminifu wakumbuke dhabihu yake. Akitumia mkate usiotiwa chachu na divai nyekundu, alianzisha sherehe ambayo huitwa Chakula cha Bwana au Mlo wa Jioni wa Bwana, kisha akawaamuru: “Endeleeni kufanya hivi kwa kunikumbuka mimi.”​—Luka 22:19.

Kila mwaka, Mashahidi wa Yehova ulimwenguni pote hukusanyika ili kukumbuka kifo cha Yesu. Mwaka wa 2014, Ukumbusho huo utakuwa siku ya Jumatatu, Aprili 14, baada ya jua kutua.

Unakaribishwa kwa uchangamfu uhudhurie mkutano huo ili upate habari zaidi kuhusu umuhimu wa dhabihu ya kifo cha Yesu. Kiingilio ni bure. Sadaka hazitakusanywa. Aliyekupa gazeti hili anaweza kukuambia muda na mahali ambapo Ukumbusho utafanyika katika eneo lililo karibu nawe, au unaweza kutembelea Tovuti yetu ya jw.org/sw. Tafadhali andika tarehe na mahali hapo ili usisahau kuhudhuria.