Majibu ya Maswali ya Biblia
Mungu ana utu wa aina gani?
Mungu ana mwili wa roho usioweza kuonekana. Aliumba mbingu, dunia, na viumbe vyote vyenye uhai. Mungu hakuumbwa, yeye hana mwanzo. (Zaburi 90:2) Mungu anataka watu wamtafute na wajue ukweli kumhusu.—Soma Matendo 17:24-27.
Tunaweza kumjua Mungu kwa jina. Tunaweza kutambua baadhi ya sifa zake kwa kuchunguza vitu alivyoumba. (Waroma 1:20) Lakini ili tumjue Mungu vizuri, tunahitaji kujifunza Neno lake, Biblia. Linatufunulia sifa nzuri za Mungu.—Soma Zaburi 103:7-10.
Mungu anahisije kuhusu ukosefu wa haki?
Muumba wetu, Yehova, anachukia ukosefu wa haki. Aliwaumba wanadamu kwa mfano wake. (Kumbukumbu la Torati 25:16) Hiyo ndiyo sababu wengi wetu tunachukia ukosefu wa haki. Uovu tunaoona ulimwenguni hausababishwi na Mungu. Mungu aliwapa wanadamu uhuru wa kuchagua. Inasikitisha kwamba watu wengi hutumia uhuru huo vibaya kwa kutotenda kwa haki. Yehova ‘huumia moyoni.’—Soma Mwanzo 6:5, 6; Kumbukumbu la Torati 32:4, 5.
Yehova anapenda haki, na hataendelea kuvumilia ukosefu wa haki milele. (Zaburi 37:28, 29) Biblia inaahidi kwamba hivi karibuni Mungu atakomesha ukosefu wote wa haki.—Soma 2 Petro 3:7-9, 13.
Biblia inaahidi kwamba hivi karibuni Mungu atahakikisha watu wote wanatendewa kwa haki
Huenda Ukapenda Pia
MAJIBU YA MASWALI YA BIBLIA
Je, Mungu Ana Jina?
Tafsiri nyingi za Biblia zina jina la kibinafsi la Mungu. Je, unapaswa kulijua na kulitumia?
MNARA WA MLINZI
Je, Kweli Tunaweza Kumjua Mungu?
Mambo yasiyoeleweka kumhusu Mungu yanaweza kutusaidia kumkaribia.
ESSENTIAL BIBLE TEACHINGS
Kwa Nini Mungu Anaruhusu Kuteseka?
Biblia inajibu kwa njia yenye kuridhisha na yenye kufariji.
