Har-magedoni—Je, Ni Mwisho Wenye Msiba?

HAR-MAGEDONI! Je, neno hilo linakufanya ufikiri kuhusu maangamizi makubwa au kuteketezwa kwa ulimwengu? Neno “Har–Magedoni” ni kati ya maneno machache ya Biblia ambayo hutumiwa katika mazungumzo na watu katika sehemu nyingi za dunia. Neno hilo limetumiwa sana kufafanua hali zenye kuhuzunisha zinazowakabili wanadamu. Vyombo vya habari vimewaonyesha watu picha nyingi zenye kuogopesha za “Har–Magedoni” inayokuja. Neno hilo limekuwa fumbo kwa watu wengi na limeeleweka vibaya. Ingawa kuna maoni mbalimbali kuhusu neno hilo, mengi hayapatani na yale ambayo Biblia—chanzo cha neno hilo—hufundisha kuhusu Har–Magedoni.

Kwa kuwa Biblia inahusianisha Har–Magedoni na “mwisho wa dunia,” je, hukubali kwamba ni muhimu kuelewa kile ambacho neno hilo linamaanisha hasa? (Mathayo 24:3, Union Version) Kwa kuwa Neno la Mungu ndicho chanzo cha kweli kinachotegemeka zaidi, je, si jambo linalopatana na akili kulichunguza ili kuelewa maana ya Har–Magedoni na kile itakachomaanisha kwako na kwa familia yenu?

Uchunguzi huo utaonyesha kwamba badala ya kusababisha mwisho wenye msiba, Har–Magedoni italeta mwanzo wenye kufurahisha kwa watu wanaotamani kuishi na kufanikiwa katika ulimwengu mpya wenye uadilifu. Utapata kuelewa vizuri ukweli huo wa Kimaandiko unaposoma kuhusu maana halisi ya neno Har–Magedoni katika makala inayofuata.

[Sanduku/Picha katika ukurasa wa 3]

UNAFIKIRI HAR-MAGEDONI NI NINI?

• Maangamizi ya nyuklia

• Uharibifu wa mazingira

• Mgongano wa dunia na kitu cha angani

• Mungu kuwaharibu waovu