Je, Ni Kweli Waliishi Miaka Mingi Hivyo?

Kulingana na Biblia, Adamu aliishi miaka 930, Sethi aliishi miaka 912, na Methusela miaka 969, yaani alibakisha miaka 31 tu afikishe umri wa miaka elfu moja! (Mwanzo 5:5, 8, 27) Je, miaka hiyo inalingana na miaka yetu, au je, kama wengine wanavyodokeza ilikuwa mifupi zaidi labda kama miezi?

Uthibitisho unaopatikana katika Biblia unaonyesha hiyo ilikuwa miaka halisi inayolingana na ya wakati huu. Hebu fikiria hili: Ikiwa mwaka wa zamani ungekuwa sawa na mwezi wa sasa, watu wafuatao wangezaa walipokuwa na umri mdogo sana. Kenani angezaa kabla ya kufikia umri wa miaka sita, na Mahalaleli na Enoko wakiwa na miaka mitano hivi.—Mwanzo 5:12, 15, 21.

Isitoshe watu wa kale walitofautisha kati ya siku, miezi, na miaka. (Mwanzo 1:14-16; 8:13) Kwa kweli, matukio ya wakati wa Noa yanatusaidia kukadiria urefu wa mwezi. Ukilinganisha Mwanzo 7:11, 24 na Mwanzo 8:3, 4 utaona kwamba miezi mitano ni siku 150, yaani ukihesabu tangu siku ya 17 ya mwezi wa pili hadi siku ya 17 ya mwezi wa saba. Kwa hiyo, inaonekana Noa alitumia mwezi wenye siku 30. Nayo miezi 12 ilifanyiza mwaka.—Mwanzo 8:5-13. *

Lakini iliwezekanaje watu waishi miaka 900 na zaidi? Biblia inatuambia kwamba Mungu aliwaumba wanadamu waishi milele na dhambi ya Adamu ilileta kutokamilika na kifo kwa wanadamu. (Mwanzo 2:17; 3:17-19; Waroma 5:12) Wale walioishi kabla ya Gharika hawakuwa mbali na ukamilifu kama sisi tulivyo, na hilo lilichangia urefu wa maisha yao. Kwa mfano, kulikuwa na tofauti ya vizazi saba tu kati ya Methusela na Adamu.—Luka 3:37, 38.

Hata hivyo, karibuni Yehova Mungu ataondoa ishara yoyo- te ya dhambi ya Adamu kwa wote wanaodhihirisha imani katika damu ya Mwana wake, Yesu Kristo. “Mshahara ambao dhambi hulipa ni kifo, lakini zawadi ambayo Mungu hutoa ni uzima wa milele kupitia Kristo Yesu Bwana wetu.” (Waroma 6:23) Naam, kuna wakati ambapo hata miaka 969 ya Methusela itaonekana michache sana!

[Maelezo ya Chini]

[Picha katika ukurasa wa 30]

 

1000

Methusela

Adamu

Sethi

900

 

 

 

800

 

 

 

700

 

 

 

600

 

 

 

500

 

 

 

400

 

 

 

300

 

 

 

200

 

 

 

100

Umri wa kawaida leo