“Kuna Mtu Fulani Anayetujali”

Msichana mmoja mwenye umri wa miaka 13 huko New Mexico, Marekani, aliandika hivi: “Wakati wa mazungumzo fulani katika somo la sayansi kuhusu nadharia ya mageuzi, nilieleza kwa ujasiri uthibitisho wa kwamba kuna Muumba. Nilimpelekea mwalimu wangu wa sayansi kitabu Je, Kuna Muumba Anayekujali?, nikamwomba akisome na kumweleza kwamba kilikuwa kimenisaidia. Alinishukuru sana na kukichukua.

“Majuma kadhaa baadaye, alikuja akanieleza kwamba alikuwa amesoma kitabu hicho na kwamba ni kimojawapo cha vitabu bora zaidi alivyowahi kusoma.

“Muda mfupi baadaye, msichana mmoja mrembo mwenye umri wa miaka 15, aliyekuwa mwanafunzi mwenzetu, akajiua. Wanafunzi wengi waliingia darasani wakati wa somo la sayansi wakilia kwa huzuni nyingi. Nilishangaa mwalimu alipowaomba wanafunzi darasani wazungumzie jambo hilo. Alianza kwa kusema: ‘Je, mnajua kilichonisaidia kukabiliana na kifo hiki?’ Kisha akasema kwamba ni mimi niliyekuwa nimemsaidia. Alisema hivi: ‘Alinipa kitabu hiki kidogo kinachoitwa Je, Kuna Muumba Anayekujali? Kilinisaidia kujua kwamba kuna mtu fulani anayetujali, na kwamba hata wengine wasipotusikiliza, yeye atatusikiliza!’ Wanafunzi walitulizwa na kufarijiwa na maneno yake.”

Je, wewe hujiuliza ikiwa kuna uthibitisho wenye nguvu wa kisayansi unaoonyesha kwamba kuna Muumba? Na ikiwa ndivyo, je, kuna sababu ya kuamini kwamba anatujali? Tunakuomba usome kitabu hiki chenye kupendeza cha kurasa 192.

Unaweza kujaza sehemu iliyo hapa chini na uitume ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kupokea kitabu Je, Kuna Muumba Anayekujali? bila malipo. Andika lugha unayotaka.

□ Ningependa kujifunza Biblia nyumbani kwangu bila malipo.

[Hisani ya Picha katika ukurasa wa 32]

J. Hester and P. Scowen (AZ State Univ.), NASA