AGOSTI 30, 2018
KANADA
Mahakama Kuu ya Kanada Yakataa Kuingilia Mpango wa Kutenga na Ushirika
Katika kesi ya Highwood Congregation of Jehovah’s Witnesses (Judicial Committee) v. Wall, Mahakama Kuu ya Kanada ilifikia uamuzi kwa kauli moja Mei 31, 2018, kwamba “vikundi vya kidini vina uhuru wa kuamua ni nani watakaokuwa washiriki na sheria watakazofuata,” hivyo kukubali kwamba mpango wa kutenga na ushirika haupaswi kuingiliwa na mahakama.
Jengo la Mahakama Kuu ya Kanada (picha upande wa kushoto) lililo Ottawa.
Mahakama iliamua kwamba mpango wa Mashahidi wa kuchunguza dhambi nzito “hauchochewi na uadui, bali umekusudiwa kumsaidia mshiriki aendelee kuwa sehemu ya Kutaniko,” na kwamba mahakama hazipaswi kuingilia mambo kama hayo ya kibinafsi na kidini.
Akitaja sababu za kutoa uamuzi huo, Hakimu wa Mahakama Kuu Malcolm alisema hivi kwa niaba ya mahakimu tisa waliohusika: “Utaratibu na sheria za kikundi fulani cha kidini zinaweza kuhusisha kufafanua fundisho la kidini, kama katika kisa hiki. Mahakama hazina haki au uwezo wa kushughulikia mambo yanayoleta utata kuhusiana na mafundisho ya kidini.”
Philip Brumley, wakili wa Mashahidi wa Yehova anasema hivi: “Uamuzi huu wa Mahakama Kuu ya Kanada unalingana na uamuzi wa mahakama kuu za Argentina, Brazili, Hungaria, Ireland, Italia, Peru, Poland, na Marekani uliotambua haki ya kisheria ya kufuata mifano katika Maandiko ya kuchunguza ni nani anayestahili kuwa Shahidi wa Yehova.”—1 Wakorintho 5:11; 2 Yohana 9-11.
Huenda Ukapenda Pia
TAARIFA ZA HABARI
Mahakama Jijini Sicily Yathibitisha Haki ya Kujiamulia ya Wagonjwa Mashahidi wa Yehova
Huo ni uamuzi wa kwanza katika mahakama ya Italia ambao umemhukumu daktari kwa uhalifu kwa sababu ya kuvunja haki ya msingi ya mgonjwa kuamua jinsi mwili wake utakavyotibiwa kupatana na imani yake.
TAARIFA ZA HABARI
Ushindi wa Uhuru wa Kidini Nchini Mongolia: Mashahidi wa Yehova Wasajiliwa Tena
Mashahidi wa Yehova katika mji mkuu wa Mongolia walipata cheti kutoka ofisi ya Baraza la Jiji kilichowapa ruhusa ya kusajili shirika lao la kidini.
TAARIFA ZA HABARI
Mahakama za Ujerumani Zatambua Makusanyiko ya Mashahidi wa Yehova Kuwa Sikukuu za Kidini
Sasa makusanyiko ya kila mwaka ya Mashahidi yanatambuliwa kuwa sikukuu za kidini, na kuthibitisha kwamba wazazi wana haki ya kuwaelimisha watoto kulingana na imani yao ya kidini.