Agosti 25, 2023, Ndugu Kenneth Cook, Jr., mshiriki wa Baraza Linaloongoza, alitangaza kutolewa kwa Biblia Takatifu—Tafsiri ya Ulimwengu Mpya iliyorekebishwa katika Kirundi. Biblia hiyo ilitolewa katika Kusanyiko la Eneo la “Iweni na Subira”! lililofanywa Bujumbura, Burundi. Programu hiyo ilipeperushwa kupitia mtandao na kutazamwa kwenye maeneo 11 yaliyo chini ya usimamizi ya ofisi ya tawi. Kwa pamoja watu 15,084 walisikiliza programu hiyo. Wahudhuriaji wote walipata nakala zilizochapishwa za Biblia hiyo. Pia, Biblia hiyo ilipatikana katika mfumo wa kielektroni.

Inakadiriwa kwamba kuna watu milioni 13 hivi wanaozungumza Kirundi nchini Burundi. Kutaniko la kwanza kabisa la lugha hiyo lilianzishwa mwaka wa 1969. Mashahidi wa Yehova walianza kutafsiri machapisho katika Kirundi mwaka wa 1985. Leo, kuna zaidi ya ndugu na dada 16,900 wanaotumikia katika makutaniko 350 ya lugha ya Kirundi nchini Burundi. Mwaka wa 2007, ndugu na dada zetu wanaozungumza Kirundi walifurahi kupata Tafsiri ya Ulimwengu Mpya ya Maandiko ya Kigiriki ya Kikristo na sasa wamepata Biblia Takatifu—Tafsiri ya Ulimwengu Mpya ikiwa nzima.

Katika Kirundi, maneno fadhili zisizostahiliwa za Yehova yanatafsiriwa kuwa “fadhili nyingi zisizoelezeka” nayo yanakazia fikira zaidi roho ya ukarimu ya yule anayetoa. Tunafurahi kwamba ndugu na dada zetu wanaozungumza Kirundi na wengine pia watanufaika kwa sababu Yehova amewaonyesha “fadhili nyingi zisizoelezeka” kwa kuwapa Biblia Takatifu—Tafsiri ya Ulimwengu Mpya iliyorekebishwa.​—Tito 2:11.