Warta pangpentingna nu aya dina Alkitab téh nyaéta ngeunaan Pamaréntahan Allah. Yéhuwa bakal ngagunakeun Pamaréntahan ieu pikeun ngarobah bumi jadi pirdaus. Naon Pamaréntahan Allah téh? Ti mana urang apal yén Pamaréntahan ieu ayeuna keur maréntah? Naon nu geus diwujudkeun jeung nu bakal diwujudkeun ku Pamaréntahan ieu? Bab ieu jeung dua bab saterusna bakal ngajawab pananya-pananya éta.

1. Pamaréntahan Allah téh naon, jeung saha nu jadi Rajana?

Pamaréntahan Allah téh nyaéta pamaréntahan nu diadegkeun ku Allah Yéhuwa. Rajana téh Isa Al-Masih. Manéhna maréntah ti sorga. (Matius 4:17; Yahya 18:36) Ceuk Alkitab, ”Manéhna bakal jadi Raja . . . salilana.” (Lukas 1:32, 33) Sabagé Raja tina Pamaréntahan Allah, Isa bakal maréntah sakuliah bumi.

2. Saha nu maréntah bareng jeung Isa?

Isa moal maréntah sorangan. ”Jalma-jalma ti unggal suku bangsa, basa, kaom, jeung bangsa . . . bakal jadi raja” bareng jeung manéhna. (Wahyu 5:9, 10) Sabaraha loba jalma nu bakal maréntah bareng jeung Isa? Ti saprak Isa datang ka bumi, jutaan jalma jadi muridna. Tapi, ngan 144.000 nu bakal maréntah bareng jeung Isa di sorga. (Baca Wahyu 14:1-4.) Nu séjénna bakal hirup di bumi jeung jadi rahayat tina Pamaréntahan Allah.​—Jabur 37:29, NW.

3. Ku naon Pamaréntahan Allah leuwih hadé tibatan pamaréntahan manusa?

Najan para pamingpin manusa geus upaya pikeun ngalakukeun hal-hal nu hadé, maranéhna moal sanggup ngawujudkeun kabéh kahayangna. Terus, hiji waktu maranéhna bakal digantikeun ku pamingpin séjén. Jalma nu ngagantikeun maranéhna bisa waé mentingkeun diri jeung teu mikirkeun batur. Tapi Isa, Pamingpin ti Pamaréntahan Allah, moal bakal pernah digantikeun. Allah geus ”ngadegkeun hiji [pamaréntahan] anu moal aya tungtungna”. (Daniel 2:44) Isa bakal maréntah sakuliah bumi jeung moal ngabéda-bédakeun jalma. Manéhna téh bageur, adil, jeung nyaah ka jalma-jalma. Terus, manéhna bakal ngajar jalma-jalma supaya boga sipat nu sarua jiga manéhna.​—Baca Yesaya 11:9.

7. Pamaréntahan Allah boga aturan nu leuwih alus

Pamaréntah manusa nyieun aturan nu bisa ngalindungan jeung aya mangpaatna keur rahayat. Sarua jiga kitu, Pamaréntahan Allah gé boga aturan keur rahayatna. Baca 1 Korintus 6:9-11, terus bahas:

• Ceuk anjeun, kaayaan dunya bakal kumaha mun kabéh jalma nuturkeun aturan ti Allah? a

• Ceuk anjeun, na geus sawajarna mun Yéhuwa miharep kabéh jalma nuturkeun aturan ti Pamaréntahana-Na? Ku naon anjeun ngajawab kitu?

• Naon nu nunjukkeun yén jalma-jalma nu teu nuturkeun aturan ti Allah gé bisa barobah?​—Tingali ayat 11.

 INTI BAB

Pamaréntahan Allah téh nyaéta pamaréntahan nu aya di sorga jeung bakal maréntah sakuliah bumi.

Nu geus dibahas

• Saha waé nu bakal maréntah dina Pamaréntahan Allah?

• Ku naon Pamaréntahan Allah leuwih unggul tibatan sakabéh pamaréntahan manusa?

• Naon nu dipiharep ku Yéhuwa ti rahayat Pamaréntahana-Na?