Mikha 2:1-13
2 ”Cilaka jalma nu ngatur siasat jahat,Nu ngararancang kajahatan dina tempat saréna!
Ari bray isuk, rencanana dijalankeun,Sabab maranéhna sanggup ngajalankeunana.
2 Upama hayang kebon, kari ngarampas.Hayang imah, kari ngajabel.Maranéhna nipu batur supaya bisa ngarebut imahnaJeung warisanana.
3 Éta sababna Yéhuwa nyarios kieu,
’Kuring ngararancang picilakaeun keur maranéh,
Maranéh moal bisa luput.
Maranéh moal bisa leumpang bari dangah deui, sabab geus waktuna éta picilakaeun narajang.
4 Dina poé éta, maranéh bakal jadi bahan omongan batur,Kaayaan maranéh bakal diceungceurikan.
Maranéhna bakal ngomong, ”Urang geus ancur lebur!
Warisan urang ku Allah geus dibikeun ka batur, warisan urang geus leungit.
Tanah urang dibagi-bagikeun ka jalma-jalma nu teu nyembah ka Allah.”
5 Ku sabab kitu di antara umat Yéhuwa,Moal aya nu ngukur tanah nu geus dibagi-bagi ku undi.
6 Ceuk maranéhna, ”Ulah diwartakeun!Maranéhna teu meunang ngawartakeun hal-hal ieu.Urang mah moal nandang kaéra.”
7 Hé turunan Yakub, maranéh geus ngadéngé batur ngomong kieu,
”Geus leungit kitu kasabaran Yéhuwa téh?
Maenya Anjeunna ngalampahkeun nu siga kieu?”
Omongan Kuring pasti aya mangpaatna keur jalma bener.
8 Tapi ka dieunakeun, umat Kuring ngalawan ka Kuring kawas ka musuh.
Maranéh ngarampas perhiasan nu éndah jeung* baju jalma-jalma nu ngaliwat,Nyaéta nu keur jongjon leumpang kawas jalma-jalma nu kakara balik perang.
9 Awéwé-awéwé di antara umat Kuring ku maranéh diusir ti imahna nu garenah.Berkah nu istiméwa keur barudakna ku maranéh direbut jeung teu dipulangkeun deui.
10 Geura cengkat, jung indit, ieu téh lain tempat keur reureuh.
Ieu tempat geus najis, bakal diancurkeun, bener-bener diancurkeun.
11 Nu cocog jadi nabi keur ieu bangsa téh
Jalma nu resep ngalampahkeun nu taya gunana, sok nipu, jeung ngabohong kieu,
”Maranéh bakal boga loba cianggur jeung inuman keras.”
12 Hé Yakub, turunan manéh kabéhanana rék dikumpulkeun ku Kuring.Kuring pasti bakal ngumpulkeun urang Israél nu nyésa kénéh.
Maranéhna rék dihijikeun kawas domba di pakandangan,Kawas ingon-ingon di tegalan.Di ditu bakal ramé ku jelema.’
13 Jelema nu muka jalan bakal maju hareupeun maranéhna.Maranéhna bakal norobos, ngaliwatan gerbang, tuluy kaluar liwat dinya deui.
Raja maranéhna bakal leumpang hareupeun maranéhna.Yéhuwa nu bakal mingpin maranéhna.”
Catetan Tambihan
^ Atawa bisa jadi ”tina”.
