Jabur 37:1-40
-
Nu percaya ka Yéhuwa bakal hirup makmur
Jabur karangan Daud.
א [Alef]
37 Ulah keuheul* ka jalma jahatAtawa sirik ka jalma nu kalakuanana goréng.
2 Maranéhna bakal jiga jujukutan nu gancang garingSarta bakal jiga jukut héjo nu gancang layu.
ב [Bet]
3 Sing percaya ka Yéhuwa sarta lampahkeun nu hadé.
Pék cicing di nagri ieu*, sarta sing satia.
4 Téangan kabagjaan* nu asalna ti Yéhuwa,Ku kituna kahayang haté anjeun bakal dicumponan ku Anjeunna.
ג [Gimel]
5 Percayakeun kahirupan anjeun ka Yéhuwa.
Andelkeun Anjeunna, tangtu ditulungan.
6 Lalampahan anjeun nu bener bakal ngagebray lir cahaya pajar,Sarta kaadilan anjeun bakal kawas panonpoé nu moncorong.
ד [Dalet]
7 Sing sabar ngadagoan Yéhuwa.
Pék arep-arep naon nu bakal dilaksanakeun ku Anjeunna.
Ulah keuheul ka jalmaAnu bisa ngawujudkeun siasatna.
ה [He]
8 Singkirkeun amarah jeung ulah panas haté.
Ulah keuheul nepi ka ngalampahkeun nu jahat.*
9 Sabab jalma jahat bakal dimusnakeun,Ari nu miharep ka Yéhuwa mah bakal ngapimilik bumi.
ו [Waw]
10 Sakeudeung deui, jalma jahat moal bakal aya deui.
Barang ditéang di tempatna,Maranéhna geus areuweuh.
11 Tapi jalma anu lemah lembut mah bakal ngapimilik bumi.
Maranéhna bakal kacida bagjana lantaran ngarasa tengtrem pisan.
ז [Zayin]
12 Jalma jahat nyieun siasat keur ngalawan jalma bener,Huntuna tingkereket bakating ku ambek.
13 Tapi Yéhuwa bakal nyeungseurikeun maranéhna,Lantaran Anjeunna terang maranéhna bakal binasa.
ח [Het]
14 Jalma jahat nyabut pedangna jeung ngabengkungkeun* busur panahnaPikeun nyerang jalma nu ditindes jeung miskin,Pikeun maéhan jalma nu hirupna bener.
15 Tapi pedang maranéhna bakal nembus kana jantungna sorangan,Busur panahna bakal diparotongkeun.
ט [Tet]
16 Najan saeutik, milik jalma bener mah leuwih hadéTibatan kakayaan jalma jahat.
17 Sabab kakuatan jalma jahat bakal diancurkeun,Tapi jalma bener mah bakal didukung ku Yéhuwa.
י [Yod]
18 Yéhuwa terang naon nu keur kaalaman ku jalma nu teu salah.
Warisan maranéhna bakal tetep aya salilana.
19 Maranéhna moal diéra-éra waktu keur susah.
Dina mangsa kalaparan, maranéhna bakal boga loba kadaharan.
כ [Kaf]
20 Tapi jalma jahat bakal musna.
Musuh Yéhuwa bakal musna cara kaéndahan jujukutan di tegalan nu gancang leungit.
Maranéhna bakal leungit cara haseup.
ל [Lamed]
21 Jalma jahat mah mun nginjeum téh tara mulangkeun,Ari jalma bener mah nya béréhan* nya karunyaan.
22 Jalma nu diberkahan ku Allah bakal ngapimilik bumi,Tapi jalma nu dikutuk ku Anjeunna bakal musna.
מ [Mem]
23 Lamun jalan hirup saurang jalma dipikaresep ku Yéhuwa,Anjeunna bakal nungtun* léngkahna.
24 Sanajan labuh, manéhna moal bakal ngajoprak,Sabab Yéhuwa nyekelan leungeunna.
נ [Nun]
25 Baheula abdi ngora, ayeuna geus kolot,Tapi abdi teu pernah ningali jalma bener ditinggalkeun,Atawa anak-anakna méménta dahareun.*
26 Manéhna tara hésé mun méré nginjeum.
Anak-anakna gé bakal diberkahan ku Allah.
ס [Samekh]
27 Jauhan nu goréng, lampahkeun nu hadé,Ku kituna manéh bakal hirup salilana di bumi.
28 Sabab Yéhuwa resep kana kaadilan,Anjeunna moal bakal ninggalkeun hamba-hamba-Na nu satia.
ע [Ayin]
Maranéhna bakal terus dijaga,Tapi turunan jalma jahat mah bakal musna.
29 Jalma bener bakal ngapimilik bumi.
Maranéhna bakal hirup di dinya salilana.
פ [Pe]
30 Biwir jalma bener mah ngaluarkeun ucapan nu bijaksana,*Létahna ngucapkeun nu balener.
31 Hukum Allah aya dina haténa.
Waktu keur leumpang, manéhna moal bakal tisolédat.
צ [Tsade]
32 Jalma jahat ngincer jalma bener,Néangan jalan keur maéhan.
33 Tapi Yéhuwa moal ngantep jalma bener dipaéhan ku jalma jahat.
Anjeunna moal nganggap manéhna salah waktu diadilan ku batur.
ק [Qof]
34 Pék ngaharep ka Yéhuwa sarta tuturkeun jalan-Na.
Manéh bakal dipunjulkeun ku Anjeunna sarta bakal ngapimilik bumi.
Manéh bakal nyaksian jalma jahat dibinasakeun.
ר [Res]
35 Abdi ningali jalma nu kejem jeung jahat téh makmurKawas tangkal nu subur di taneuh aslina.
36 Tapi ujug-ujug manéhna leungit, geus euweuh.
Barang ditéang, manéhna teu kapanggih.
ש [Syin]
37 Perhatikeun jalma nu teu salah,*Tingali jalma bener,Manéhna bakal hirup tengtrem dina mangsa ka hareup.
38 Tapi sakabéh jalma nu ngalanggar hukum bakal dimusnakeun.
Jalma jahat bakal disingkirkeun.
ת [Taw]
39 Jalma bener téh disalametkeun ku Yéhuwa.
Waktu maranéhna kasusahan, Anjeunna jadi bénténg keur maranéhna.
40 Yéhuwa bakal nulungan jeung nyalametkeun maranéhna.
Anjeunna bakal ngabébaskeun jeung ngaluputkeun maranéhna ti jalma jahat,Lantaran maranéhna nyalindung ka Anjeunna.
Catetan Tambihan
^ Atawa ”panas haté”.
^ Atawa ”bumi”.
^ Atawa ”kabagjaan nu luar biasa”.
^ Atawa bisa jadi ”Ulah keuheul, sabab éta ngan matak picilakaeun”.
^ Atawa ”masang tali”.
^ Atawa ”resep tutulung”.
^ Atawa ”nguatkeun”.
^ Atawa ”roti”.
^ Atawa ”ucapan nu bijaksana ku sora nu laun”.
^ Atawa ”jalma nu terus satia”.
