Fiji

• Ka Labone la la 17 December 2020, Leholiotsoana le tšabehang la Yasa le ile la fihla sehlekehlekeng sa Vanua Levu, e leng sehlekehleke se hlahlamang se seholo ka ho fetisisa naheng ea Fiji

• Yasa ke leholiotsoana la bobeli ka boholo le tlalehiloeng, le kileng la ruthutha Fiji. Moea oa lona o ne o foka ka lebelo la lik’hilomithara tse 260 ka hora

• Bonyane ho amehile liphutheho le lihlopha tse ka thoko tse 30 moo leholiotsoana lena le fetileng teng

• Ha ho na mora kapa morali oabo rona ea ileng a lemala

• Litlaleho tse amohetsoeng qalong li supa hore malapa a 20 a ile a tlameha ho tloha hae

• Leholiotsoana lena le bakile tšenyo e tšabehang masimong, la senya lijo tsa bohlokoa haholo tsa bahoeletsi ba 430 ba lulang sebakeng seo

• Matlo a 10 a ile a heleha

• Matlo a 25 a ile a senyeha

• Holo ea ’Muso e le ’ngoe e ile ea senyeha hanyane

• Lekala la Fiji le ile la khetha likomiti tse tharo tsa liphallelo. Likomiti Tsa Liphallelo li thusitse ka ho phallela bahoeletsi ba amehileng ka lintho tse hlokahalang, joaloka metsi a hloekileng a nooang, liaparo, lijo le litente. Ho feta moo, Likomiti Tsa Liphallelo li thusitse ba ileng ba baleha matlong a bona hore ba fumane sebaka seo ba ka lulang ho sona

• Baemeli ba lekala la Fiji hammoho le balebeli ba potoloho ba sebakeng seo ba etsa maeto a bolisa ho ea khothatsa bara le barali babo rona ba amehileng

• Bohle ba sebetsang ka liphallelo le ba etsang maeto a bolisa ba hlokolosi ho ikobela melao ea boipaballo ea COVID-19

Ke ’nete hore sekhohola sena se matla se sentse thepa ea bara le barali babo rona, empa ba bone bonnete ba Pesaleme ea 46:1 e reng: ‘Molimo ke setšabelo sa rona.’