Liproverbia 3:1-35
3 Mora oa ka, u se ke oa lebala thuto ea ka,*U mamele litaelo tsa ka ka pelo eohle
2 E le hore u phele nako e telele,U be u phele ka khotso.+
3 U se ke oa khaotsa ho ba le lerato* le botšepehi.*+
Li tlame molaleng oa hao,Li ngole pelong ea hao.+
4 Ha u etsa joalo u tla ba le temoho,U tla amoheloa ke Molimo le batho.+
5 Tšepa Jehova+ ka pelo eohle ea hao,U se ke oa itšetleha ka kutloisiso ea hao.+
6 U mo kenye mererong eohle ea hao,+O tla otlolla litsela tsa hao.+
7 U se ke oa ipona u le bohlale.+Mamela* Jehova ’me u balehe bobe
8 Kaha ho etsa joalo ho tla tšoana le moriana o folisang ’mele oa haoEbile ho tla u khatholla.*
9 Hlompha Jehova ka ho mo fa lintho tsa hao tsa bohlokoa,+Ka ho mo fa tse ntlehali* har’a tseo u li kotutseng.*+
10 Joale litoro* tsa hao li tla tlala tsoete! ka lijo+Le veine ea hao e monate e tlale* hore e be e tšolohe.
11 Mora oa ka, u se ke oa hana taeo ea Jehova,+U se ke oa nyonya khalemelo ea hae+
12 Hobane Jehova o khalemela bao a ba ratang+Feela joalokaha ntate a khalemela mora eo a mo ratang.+
13 Ho thaba motho ea fumanang bohlale+Le motho ea fumanang temoho
14 Hobane ho fumana bohlale ho molemo ho feta ho fumana silevera,Ho ba le bona* ho molemo ho feta ho ba le khauta.+
15 Bo bohlokoa haholo ho feta likorale*’Me ha ho letho leo u le lakatsang le ka bapisoang le bona.
16 Ka letsohong la bona le letona, bohlale bo tšoere bophelo bo bolelele.
Ka letsohong la bona le letšehali, bo tšoere maruo le khanya.
17 Litsela tsa bohlale lia thabisaEbile litsela tsohle tsa bona li tlisa khotso.+
18 Bohlale ke sefate sa bophelo,Mang kapa mang ea bo tšoarang o tla phela, a fumane thabo.+
19 Jehova o ile a theha lefatše ka bohlale.+
A tiisa maholimo ka temoho.+
20 Ka tsebo ea hae maliba a ile a aroloa,Maru a rotha phoka.+
21 Mora oa ka, u se ke oa lebala makhabane ana.*
Sireletsa bohlale le kelello ea hao,
22 Li tla u fa bopheloLi be li khabise molala oa hao.
23 U tla tsamaea tseleng ea hao u sireletsehileLe leoto la hao le ke ke la khoptjoa.*+
24 U ke ke oa tšaba letho ha u robetse.+
U tla robala ’me boroko ba hao bo tla ba monate.+
25 U ke ke oa tšoha tlokotsi e ka hlahang ka tšohanyetso+Kapa sefefo se tlelang ba khopo.+
26 Etsoe u tla be u tšepile Jehova,+O tla thiba leoto la hao hore le se ke la tšoasoa ke leraba.+
27 Fana ka se molemo ho ba hlokang,+Ha ho le matleng a hao ho ba thusa.+
28 U se ke oa re ho moahisani: “Tsamaea, u khutle hosane ’me ke tla u neha”Empa u e-na le hoo u ka fanang ka hona.
29 U se ke oa rerela moahisani oa hao letho le lebe+Empa eena a u tšepa.
30 U se ke oa qabana le motho ntle ho lebaka+Haeba a sa u fosetsa.+
31 U se ke oa honohela motho ea ratang ntoa+Kapa oa latela le e ’ngoe ea litsela tsa hae.
32 Jehova o nyonya motho ea bolotsana+Empa ke motsoalle oa ba lokileng.+
33 Jehova o tlisetsa lelapa la ea khopo bomalimabe*+Empa o hlohonolofatsa lehae la ba lokileng.+
34 O soma basomi+Empa o hauhela ba ikokobelitseng.+
35 Ho tla buuoa hantle ka ba bohlaleEmpa ba se nang kelello ho tla buuoa hampe ka bona.+
Linaletsana
^ Kapa: “molao oa ka.”
^ Kapa: “lerato le tšepahalang.” Sheba Tlhaloso.
^ Kapa: “ ’nete.”
^ Ka Seheberu: “Tšaba.”
^ Ka Seheberu: “Le ho khatholla masapo a hao.”
^ Kapa: “moputso oa hao.”
^ Kapa: “litholoana tsa pele.”
^ Kapa: “matlo a polokelo.”
^ Kapa: “e tlale libate tsa hao; e tlale lihatelo tsa hao tsa veine.”
^ Kapa: “Ho ba le bona e le phaello.”
^ Ho bonahala makhabane ana e le a Jehova a hlahang litemaneng tse ka holimo ho ena.
^ Kapa: “khoptjoa ke letho.”
^ Kapa: “Thohako ea Jehova e holim’a ntlo ea ea khopo.”
