Lipesaleme 94:1-23
94 Jehova, Molimo ea iphetetsang ho ba khopo,+Bontša hore na u mang, u fe ba khopo kotlo.
2 Ema, Moahloli oa lefatše.+
U fe ba ikhohomosang kahlolo e ba tšoanelang.+
3 Jehova, ba khopo ba tla tsoela pele ba thabile ho fihlela neng?+
E tla ba ho fihlela neng?
4 Ba bua ba sa nahane ebile baa ikhohomosa.
Bohle ba etsang lintho tse mpe baa ithorisa.
5 Jehova, ba hatakela sechaba sa hao,+Ba hatella lefa la hao.
6 Ba bolaea mohlolohali le molichabaEbile ba bolaea likhutsana.*
7 Ba re: “Jah ha a bone.+
Molimo oa Jakobo ha a hlokomele se etsahalang.”+
8 Utloisisang sena, lona ba se nang kelello.
Lona maoatla, le tla hlalefa neng?+
9 Na ea entseng* tsebe ha a khone ho utloa?
Na ea entseng leihlo ha a khone ho bona?+
10 Na ea fang lichaba kotlo ha a khone ho khalemela?+
Ke eena ea fang batho tsebo.+
11 Jehova o tseba menahano ea bathoHore e tšoana feela le phefumoloho.+
12 Jah, ho thaba motho eo u mo khalemelang,+Eo u mo rutang molao oa hao+
13 Hore u mo fe khotso matsatsing a tlokotsi,Ho fihlela ea khopo a chekeloa sekoti.+
14 Jehova a ke ke a furalla batho ba hae+Kapa a lahla lefa la hae.+
15 Kahlolo e tla boela e etsoe ka toka,Bohle ba lipelo li ntle ba tla e latela.
16 Ke mang ea tla ntoanela ho ba khopo?
Ke mang ea tla mpuella ho ba etsang lintho tse mpe?
17 Haeba Jehova a ne a sa nthusa,Nkabe ke shoele.+
18 Ha ke ne ke re: “Leoto la ka lea thella,”Jehova, u ne u ntšehetsa ka lerato la hao.+
19 Ha ke tšoenyehile haholo,U ile oa ntšelisa oa ba oa etsa hore ke thabe.+
20 Ha ho na moo u kopanang teng le babusi* ba khopoHobane ba baka mathata ka ho loha mano, ba etsa eka ba latela molao.+
21 Ba hlasela ea lokileng ka sehloho+Ebile ba ahlolela ea se nang molato lefu.+
22 Empa Jehova e tla ba setšabelo sa ka se sireletsehileng,*Molimo oa ka ke lefika la ka leo ke balehelang ho lona.+
23 O tla etsa hore liketso tsa bona tse mpe li khutlele ho bona,+A etse hore lintho tse mpe tseo ba li etsang li ba felise.
Jehova Molimo oa rona o tla ba felisa.*+
Linaletsana
^ Kapa: “bana ba se nang bo-ntate.”
^ Ka Seheberu: “hlommeng.”
^ Kapa: “baahloli.”
^ Kapa: “sebaka se phahameng se sireletsehileng.”
^ Ka Seheberu: “khutsisa.”
