Lipesaleme 57:1-11
Ho motsamaisi. E binoe ka molumo oa “U se ke oa Senya.” Pesaleme ea Davida. Miktame.* Ha a ne a baleha Saule, a kena ka lehaheng.+
57 Nkhauhele hle Molimo, nkhauhele,Ke balehela ho uena.+
Ke balehela moriting oa mapheo a hao ho fihlela mathata a feta.+
2 Ke hoeletsa Molimo ea Phahameng ka ho Fetisisa,Molimo oa ’nete, ea ba felisang ka lebaka la ka.
3 O tla romela thuso a le leholimong a be a mpholose.+
O tla ferekanya ea nkomanyang. (Selah)Molimo o tla bontša lerato la hae le botšepehi ba hae.+
4 Ke pota-potiloe ke litau.+
Leha ke robala, pel’a ka ho na le ba batlang ho nkharola,Bao meno a bona e leng marumo le metsuLe bao maleme a bona e leng sabole e bohale.+
5 Molimo, bontša boholo ba hao maholimong.
E se eka khanya ea hao e ka ba lefatšeng lohle.+
6 Lira tsa ka li nchehetse leraba.*+
Ke tšoenyehile haholo.+
Ba ncheketse sekoti tseleng ea kaEmpa ke bona ba oetseng ka har’a sona.+ (Selah)
7 Molimo, pelo ea ka ea tšepahala,+Pelo ea ka ea tšepahala.
Ke tla bina ke be ke letse ’mino.
8 Tsoha, khanya ea ka.
Tsoha, uena seletsa se likhoele le uena harepa.
Ke tla tsoha ka meso.+
9 Jehova, ke tla u rorisa har’a lichaba,+Ke u binele lithoriso* har’a lichaba.+
10 Lerato la hao* le leholo, le fihla holimo maholimong+Le botšepehi ba hao bo fihla maholimong.
11 Molimo, bontša boholo ba hao maholimong.
E se eka khanya ea hao e ka ba lefatšeng lohle.+
Linaletsana
^ Kapa: “letlooa.”
^ Kapa: “Ke u letsetse ’mino.”
^ Kapa: “Lerato la hao le tšepahalang.” Sheba Tlhaloso.
