Lipesaleme 132:1-18
Pina ea ho Nyolohela Motseng.
132 Jehova, hopola DavidaLe mathata ’ohle a mo hlahetseng.+
2 Jehova, hopola kamoo a ileng a ikana ho uena kateng,Ha a etsa boitlamo ho Molimo ea Matla oa Jakobo a re:+
3 “Nke ke ka kena ka tlung ea ka.+
Nke ke ka robala betheng ea ka.
4 Nke ke ka robalaKapa ka otsela
5 Ho fihlela ke fumanela Jehova sebaka,Ke fumanela Molimo ea Matla oa Jakobo sebaka se setle seo a ka lulang ho sona.”*+
6 Re utloetse ka eona Efratha,+Re e fumane masimong a moru.+
7 A re keneng moo a lulang teng.*+
A re inameng ka pel’a setuloana sa hae sa maoto.+
8 Ema Jehova, u tle sebakeng seo u tla phomola ho sona,+Uena le Areka e bontšang matla a hao.+
9 E se eka baprista ba hao e ka ba ba lokileng,Batho ba hao ba tšepahalang ba ke ba hoeletse ba thabile.
10 U se ke oa lahla motlotsuoa oa hao,Ka lebaka la seo u se tšepisitseng mohlanka oa hao Davida.+
11 Jehova o hlapanyelitse Davida.
A ke ke a koenehela seo a se buileng, ha a ne a re:
“Ke tla beha e mong oa litloholo tsa haoTeroneng ea hao.+
12 Haeba bara ba hao ba ka boloka selekane sa kaLe melao eo ke ba rutang eona,+Bara ba bona le bonaBa tla lula teroneng ea hao ka ho sa feleng.”+
13 Jehova o khethile Sione.+
O batla hore e be sebaka sa hae seo a lulang ho sona. O itse:+
14 “Mona ke moo ke tla phomola teng ka ho sa feleng.
Ke tla lula mona+ hobane ke moo ke batlang ho lula teng.
15 Ke tla hlohonolofatsa sebaka sena ka lijo.
Ba futsanehileng ba lulang moo ke tla ba fa bohobe ho fihlela ba khotsofetse.+
16 Ke tla pholosa baprista ba eona,*+Batho ba hao ba tšepahalang ba tla hoeletsa ba thabile.+
17 Ke tla etsa hore matla* a Davida a eketsehe moo.
Ke lokiselitse motlotsuoa oa ka lebone.+
18 Ke tla etsa hore lira tsa hae li hlajoe ke lihlongEmpa korone e hloohong ea hae e tla khanya.”+
Linaletsana
^ Kapa: “tabernakele e kholo.”
^ Kapa: “tabernakeleng ea hae e kholo.”
^ Kapa: “Ke tla apesa baprista ba eona poloko.”
^ Ka Seheberu: “phahamisa lenaka.”
