Lipesaleme 119:1-176
-
Ho ananela lentsoe la Molimo la bohlokoa
-
‘Bacha ba ka etsa’ng haeba ba batla ho lula ba etsa lintho tse nepahetseng?’ (9)
-
“Ke rata melao ea hao” (24)
-
“Ke rata molao oa hao haholo” (97)
-
“Ke na le kutloisiso ho feta mesuoe eohle ea ka” (99)
-
“Lentsoe la hao ke lebone le khantšang moo ke hatang teng” (105)
-
“Lentsoe la hao kaofela ke ’nete” (160)
-
Ba ratang molao oa Molimo ba na le khotso (165)
-
א [Aleph]
119 Ho thaba batho ba tšepahalang*Le ba mamelang molao oa Jehova.+
2 Ho thaba batho ba etsang lintho tseo a ba hopotsang tsona,+Ba mo batlang ka lipelo tsohle tsa bona.+
3 Ha ba etse lintho tse sa lokang.
Baa mo mamela.+
4 U laetse horeLitaelo tsa hao li mameloe ka hloko.+
5 Ke lakatsa eka nka lula ke tšepahala*+Ke mamela melao ea hao.
6 Seo se ne se tla etsa hore ke se ke ka hlajoa ke lihlong+Ha ke ithuta litaelo tsohle tsa hao.
7 Ke tla u rorisa ka pelo e ntleHa ke ithuta melao ea hao e lokileng.
8 Ke tla mamela melao ea hao.
E se eka u ke ke oa ntahla ka ho feletseng.
ב [Beth]
9 Mohlankana a ka etsa’ng haeba a batla ho lula a etsa lintho tse nepahetseng?*
O lokela ho itlhokomela ’me a mamele lentsoe la hao.+
10 Ke u batla ka pelo eohle ea ka.
U se ke oa ntumella hore ke tlohele ho mamela litaelo tsa hao.+
11 Ke boloka lintho tseo u li buang ka pelong ea ka+E le hore ke se ke ka u siteloa.+
12 Jehova, e se eka u ka rorisoa.
Nthute melao ea hao.
13 Ke phatlalatsa melao eohle eo u e buileng.
14 Ke thabela melao* ea hao+Ho feta lintho tse ling tsohle tsa bohlokoa.+
15 Ke tla nahanisisa* ka litaelo tsa hao,+Ke lule ke latela melao ea hao.+
16 Ke rata litaelo tsa hao.
Nke ke ka lebala lentsoe la hao.+
ג [Gimel]
17 E se eka u ka ba mosa ho ’na mohlanka oa haoE le hore ke phele ’me ke mamele lentsoe la hao.+
18 Ke kopa u nthuse hore ke utloisiseLintho tse hlollang tse ngotsoeng molaong oa hao.
19 Ke mpa feela ke le molichaba naheng ena.+
U se ke oa mpatela litaelo tsa hao.
20 Ke labalabela ho tseba likahlolo tsa haoKa linako tsohle.
21 U khalemela ba ikhohomosangE leng ba rohakiloeng, ba sa mameleng litaelo tsa hao.+
22 Etsa hore ba se ke ba ntella le ho nkhella fatšeKaha ke entse lintho tseo u nkhopolitseng tsona.
23 Leha likhosana li kopane li bua hampe ka ’na,Ke nahanisisa ka melao ea hao.
24 Ke rata melao ea hao.+
E joaloka baeletsi ba ka.+
ד [Daleth]
25 Ke paqame leroleng.+
Pholosa bophelo ba ka joalokaha u tšepisitse.+
26 Ke u boleletse lintho tsohle tseo ke li entseng ’me oa nkaraba.
Nthute melao ea hao.+
27 Nthuse ho utloisisa hore na litaelo tsa hao li bolela’ngE le hore nka nahanisisa ka lintho tse ntle tseo u li entseng.+
28 Ke ntse ke sa robale ka lebaka la ho utloa bohloko.
’Matlafatse joalokaha u ntšepisitse.
29 Nthuse hore ke se ke ka ba motho ea leshano.+
U nkhauhele ka hore u nthute molao oa hao.
30 Ke ikemiselitse ho lula ke tšepahala.+
Kea hlokomela hore melao ea hao e lokile.
31 Ke khomarela lintho tseo u nkhopotsang tsona.+
Jehova, u se ke oa lumella hore ke soetsehe.*+
32 Ke tla latela litaelo tsa hao ka pelo ea ka eohleHobane u nthusa hore ke li utloisise.*
ה [Heʼ]
33 Jehova,+ nthute ho phela ka melao ea hao’Me ke tla e latela ho fihlela qetellong.+
34 Etsa hore ke utloisise molao oa haoE le hore nka o mamelaLe ho o boloka ka pelo ea ka eohle.
35 Ntataise* hore ke latele litaelo tsa hao+Kaha lia nthabisa.
36 Etsa hore ke rate likhopotso tsa hao ka pelo eohleE le hore ke se ke ka e-ba meharo.+
37 Nthuse hore ke se ke ka sheba lintho tse se nang thuso.+
Ntsamaise tseleng ea hao e le hore ke lule ke phela.
38 Etsa seo u ntšepisitseng sona*E le hore batho ba ka u tšaba.*
39 Tlosa lintho tse ntlhabisang lihlong tse etsang hore ke tšoheHobane likahlolo tsa hao li lokile.+
40 Bona kamoo ke batlang ho latela litaelo tsa hao kateng.
Pholosa bophelo ba ka hobane u lokile.
ו [Waw]
41 Jehova, e se eka u ka mpontša hore oa nthata,+E se eka u ka mpholosa joalokaha u ntšepisitse*+
42 E le hore nka araba ea ’nyefolangHobane ke tšepa seo u se buileng.
43 Nthuse hore ke lule ke bua ka ’nete e ka lentsoeng la haoHobane kea u tšepa* hore u tla ahlola ka toka.
44 Ke tla lula ke boloka molao oa haoKa ho sa feleng.+
45 Ke tla tsamaea ke sireletsehile hohle moo ke eang*+Hobane ke loanela ho mamela litaelo tsa hao.
46 Ke tla bua ka melao ea hao ka pel’a marena.
Nke ke ka hlajoa ke lihlong.+
47 Ke rata litaelo tsa hao,Ke li rata haholo.+
48 Ke tla u rapela ke phahamisitse matsoho hobane ke rata litaelo tsa hao.+
Ke tla nahanisisa ka melao ea hao.+
ז [Zayin]
49 Hopola seo u mpoleletseng* sona,Se mphang tšepo.*
50 Ke matšeliso a ka ha ke utloile bohloko+Hobane lintho tseo u li buang li etsa hore ke lule ke phela.
51 Ba ikhohomosang ba lula ba ntšomaEmpa ha ke tlohele ho mamela molao oa hao.+
52 Jehova, ke hopola likahlolo tsa hao tsa khale.+
Lia ntšelisa.+
53 Ke halefile haholo ka lebaka la ba khopo,Ba sa mameleng molao oa hao.+
54 Ke bina ka melao ea haoHohle moo ke lulang teng.*
55 Jehova, ke hopola lebitso la hao bosiu+E le hore nka latela molao oa hao.
56 Ke tloaetse ho etsa joaloHobane ke mametse litaelo tsa hao.
ח [Heth]
57 Jehova ke eena feela eo ke nang le eena.*+
Ke tšepisitse hore ke tla mo mamela.+
58 Ke u kopa ka pelo ea ka eohle+Hore u nkhauhele+ joalokaha u tšepisitse.
59 Ke hlahlobile tsela eo ke phelang ka eonaE le hore nka khutlela ho uena ’me ka mamela likhopotso tsa hao.+
60 Ke potlakela ho mamelaLitaelo tsa hao.+
61 Ba khopo ba nchehetse marabaEmpa ha ke lebale molao oa hao.+
62 Ke tsoha har’a mpa ea bosiu hore ke u lebohe+Ka lebaka la likahlolo tsa hao tse lokileng.
63 Ke motsoalle oa bohle ba u tšabangLe ba mamelang litaelo tsa hao.+
64 Jehova, lerato* la hao le bonahala lefatšeng lohle.+
Nthute melao ea hao.
ט [Teth]
65 Jehova, u nketselitse lintho tse ntleJoalokaha u tšepisitse.
66 Nthuse hore ke be le kutloisiso le tsebo+Hobane ke tšepile litaelo tsa hao.
67 Pele ke hlopheha ke ne ke e-na le ho etsa lintho tse mpe*Empa hona joale ke mamela seo u se buang.+
68 U molemo+ le lintho tseo u li etsang li molemo.
Nthute melao ea hao.+
69 Ba ikhohomosang ba bua mashano ka ’naEmpa ke mamela litaelo tsa hao ka pelo eohle ea ka.
70 Ba lipelo li thata+Empa ’na ke rata molao oa hao.+
71 Ke hantle hore ebe ke ile ka hlopheha+E le hore nka ithuta melao ea hao.
72 Molao oo u faneng ka oona o ntsoela molemo,+Ho feta khauta le silevera e ngata.+
י [Yod]
73 U nkentse oa ba oa mpopa ka matsoho a hao.
Etsa hore ke utloisise litaelo tsa haoHa ke ithuta tsona.+
74 Ba u tšabang baa thaba ha ba mponaHobane ke tšepetse lentsoeng la hao.*+
75 Jehova, kea tseba hore likahlolo tsa hao li lokile+Le hore u ile oa nkhalemela hobane u tšepahala.+
76 E se eka u ka ntšelisa hobane u nthata+Joalokaha u ntšepisitse.
77 Nkhauhele e le hore ke lule ke phela+Hobane ke rata molao oa hao.+
78 Ba ikhohomosang ba ke ba hlajoe ke lihlongKaha ba nketsa hampe ntle ho lebaka.*
Empa ke tla nahanisisa ka litaelo tsa hao.+
79 E se eka ba u tšabang ba ka khutlela ho ’na,Ba tsebang likhopotso tsa hao.
80 E se eka nka latela melao ea hao ka pelo eohle ea ka+E le hore ke se ke ka hlajoa ke lihlong.+
כ [Kaph]
81 Ke labalabela ho pholosoa ke uena+Hobane ke tšepetse lentsoeng la hao.*
82 Ke labalabela ho bona ha tšepiso ea hao e phethahala+Ha ke ntse ke re: “U tla ntšelisa neng?”+
83 Ke tšoana le lekuka* le omelelitsoeng ke mosiEmpa melao ea hao eona ha ke e lebale.+
84 Ke tla ema ho fihlela neng?
U tla ahlola batho ba ntlhorisang neng?+
85 Ba ikhohomosang le ba sa batleng ho mamela melao ea haoBa nchekela mekoti.
86 Litaelo tsohle tsa hao lia tšepahala.
Nthuse hobane batho ba ntlhorisa ntle ho lebaka.+
87 Ba batlile ba mphelisa lefatšengEmpa ha kea ka ka tlohela litaelo tsa hao.
88 Pholosa bophelo ba ka hobane oa nthata*E le hore nka mamela lintho tseo u nkhopotsang tsona.
ל [Lamed]
89 Jehova, lentsoe la hao le lula le le teng ka ho sa feleng.
Le tla lula le le teng joaloka maholimo.+
90 U tšepahala melokong eohle.+
U tiisitse lefatše e le hore le ka lula le le teng.+
91 Ka lebaka la melao ea hao, lintho tsohle tseo u li bopileng li ntse li le teng le kajeno,Kaofela li laoloa ke uena.
92 Haeba ke ne ke sa rate molao oa hao,Nka be ke bolailoe ke mahlomola a ka.+
93 Le ka mohla nke ke ka lebala litaelo tsa haoHobane u sebelisitse tsona ho pholosa bophelo ba ka.+
94 Ke mohlanka oa hao, mpholose+Hobane ke lekile ho mamela litaelo tsa hao.+
95 Ba khopo ba batla ho mphelisaEmpa ke nahanisisa ka likhopotso tsa hao.
96 Ke bone hore lintho tse phethahetseng ho na le moo li fellang tengEmpa ha ho na moo melao ea hao e fellang teng.*
מ [Mem]
97 Ke rata molao oa hao haholo.+
Ke nahanisisa ka oona letsatsi lohle.+
98 Litaelo tsa hao li ntlhalefisa ho feta lira tsa ka+Hobane li lula li ntataisa.
99 Ke na le kutloisiso ho feta mesuoe eohle ea ka+Hobane ke nahanisisa ka likhopotso tsa hao.
100 Ke etsa lintho ka bohlale ho feta banna ba holilengHobane ke mamela litaelo tsa hao.
101 Ha ke tsamaee tseleng leha e le efe e mpe+E le hore ke lule ke mamela lentsoe la hao.
102 Ha ke khelohe melao ea haoHobane ke uena ea nthutileng.
103 Mantsoe a hao a monate haholo lelemeng* la ka,A monate ho feta mahe a linotši.+
104 Ke etsa lintho ka bohlale ka lebaka la litaelo tsa hao.+
Ke kahoo ke hloileng tsela e ’ngoe le e ’ngoe ea leshano.+
נ [Nun]
105 Lentsoe la hao ke lebone le khantšang moo ke hatang tengHape ke leseli le bonesang tsela ea ka.+
106 Ke entse kano ea ho mamela melao ea hao e lokileng’Me ke tla e phetha.
107 Ke utloile bohloko haholo.+
Jehova, pholosa bophelo ba ka joalokaha u tšepisitse.+
108 Jehova, e se eka u ka amohela linyehelo tsa ka tsa ho u rorisa tseo ke li etsang ka ho rata*+’Me u nthute melao ea hao.+
109 Bophelo ba ka bo lula bo le kotsingEmpa ha kea lebala molao oa hao.+
110 Batho ba khopo ba nchehetse lerabaEmpa ha kea lahla litaelo tsa hao.+
111 Ke tla lula ke nka likhopotso tsa hao e le tsa bohlokoa*Kaha lia nthabisa.+
112 Ke ikemiselitse ho mamela melao ea hao ka linako tsohleHo fihlela qetellong.
ס [Samekh]
113 Ke hloile ba sa u tšepahalleng*+Empa ke rata molao oa hao.+
114 U sebaka sa ka se sireletsehileng le thebe ea ka+Hobane ke tšepetse lentsoeng la hao.*+
115 Lona ba khopo, tsamaelang hole le ’na+E le hore nka latela litaelo tsa Molimo oa ka.
116 Ntšehetse joalokaha u ntšepisitse*+E le hore ke ’ne ke phele.
U se ke oa lumella hore tšepo ea ka e fetohe masoabi.+
117 Ntšehetse e le hore ke tle ke pholohe,+Ke tla lula ke latela melao ea hao.+
118 Ha u amohele bohle ba sa mameleng melao ea hao+Hobane ba leshano ebile baa qhekella.
119 U lahla bohle ba khopo lefatšeng joalokaha eka ke matlakala.+
Ke ka lebaka leo ke ratang likhopotso tsa hao.
120 ’Mele oa ka oa thothomela ka lebaka la ho u tšaba.
Ke tšaba likahlolo tsa hao.
ע [Ayin]
121 Ke ahlotse ka toka ebile ke entse se lokileng.
U se ke oa ntlohela hore ke oele matsohong a ba batlang ho nkhatella.
122 Ntšepise hore lintho li tla ntsamaela hantle.
E se eka ba ikhohomosang ba ke ke ba nkhatella.
123 Mahlo a ka a khathetse ke ho lula ke letetse hore u mpholose+Le hore u phethahatse tšepiso* ea hao e lokileng.+
124 Mpontše hore oa nthata+’Me u nthute melao ea hao.+
125 Ke mohlanka oa hao. Etsa hore ke utloisise likhopotso tsa hao+E le hore nka li tseba.
126 Jehova, nako ea hore u nke khato e fihlile+Hobane ba tlotse molao oa hao.
127 Ke kahoo ke ratang litaelo tsa haoHo feta khauta esita le khauta ea boleng bo phahameng.*+
128 Kahoo, ke nka litaelo tsohle tse tsoang ho uena e le tse lokileng.+
Ke hloile mashano ’ohle.+
פ [Peʼ]
129 Likhopotso tsa hao li molemo haholoKe kahoo ke li mamelang.
130 Batho ba ba le tsebo ha ba hlalosetsoa mantsoe a hao+Le ba se nang boiphihlelo ba ba le kutloisiso.+
131 Ke nyoretsoe litaelo tsa haoEbile ke li hopotse haholo.+
132 Nchebe ’me u nkhauhele+Joalokaha u lula u etsa* ho ba ratang lebitso la hao.+
133 Ntataise ka seo u se buang e le hore ke tsamaee moo ho sireletsehileng.*
U se ke oa lumella ntho leha e le efe e mpe ho ntaola.+
134 Mpholose* ho batho ba nkhatellang’Me ke tla latela litaelo tsa hao.
135 Nkhauhele,+U nthute melao ea hao.
136 Likeleli tsa ka lia tšolohaHobane batho ha ba mamele molao oa hao.+
צ [Tsade]
137 Jehova, u lokile+Ebile u ahlola ka toka.+
138 Lintho tseo u re hopotsang tsona li lokileEbile re ka li tšepa.
139 Cheseho ea ka ea ho etsa thato ea hao e tuka joaloka mollo ka pelong ea ka+Hobane lira tsa ka li iphapanyelitse mantsoe a hao.
140 Ke rata lentsoe la hao+Hobane le hloekile.+
141 Ha ke motho oa bohlokoa ebile kea nyatseha.+
Leha ho le joalo, ha kea lebala litaelo tsa hao.
142 Liketso tsa hao tse lokileng ke tsa ka ho sa feleng,+Molao oa hao ke ’nete.+
143 Le hoja ke e-ba le matšoenyeho le mathata,Ke ntse ke rata litaelo tsa hao.
144 Likhopotso tsa hao li lula li lokile.
Etsa hore ke li utloisise+ e le hore ke lule ke phela.
ק [Qoph]
145 Nkarabe hle Jehova hobane ke u bitsa ka pelo ea ka eohle.
Ke tla mamela melao ea hao.
146 Mpholose hobane ke llela ho uena.
Ke tla mamela likhopotso tsa hao.
147 Ke tsohile esale ka meso hore ke llele ho uena ho kopa thuso+Hobane ke tšepetse mantsoeng a hao.*
148 Ke tsoha har’a bosiuE le hore ke nahanisise ka lentsoe la hao.+
149 Jehova, e se eka u ka ’mamela hobane oa nthata.+
U pholose bophelo ba ka hobane u ahlola ka toka.
150 Batho ba etsang lintho tse hlabisang lihlong* baa nkatamela.
Ha ba sa mamela molao oa hao ho hang.
151 Jehova, u haufi le ’na.+
Litaelo tsohle tsa hao ke ’nete.+
152 Ke ithutile khale ka likhopotso tsa hao,U entse hore li be teng ka ho sa feleng.+
ר [Resh]
153 Bona mahlomola a ka ’me u mpholose+Hobane ha kea lebala molao oa hao.
154 Ntoanele* ’me u mpholose.+
Pholosa bophelo ba ka joalokaha u tšepisitse.
155 U ke ke oa pholosa ba khopoHobane ha ba batle ho mamela litaelo tsa hao.+
156 Jehova, u mohau haholo.+
Pholosa bophelo ba ka hobane u ahlola ka toka.
157 Ba ntlhorisang le ba ntlhoileng ba bangata.+
Empa ha kea tlohela likhopotso tsa hao.
158 Ke hloile batho ba bolotsanaHobane ha ba mamele lentsoe la hao.+
159 Bona kamoo ke ratang litaelo tsa hao kateng.
Jehova, pholosa bophelo ba ka hobane oa nthata.+
160 Lentsoe la hao kaofela ke ’nete,+Likahlolo tsohle tsa hao tse lokileng li tla lula li le teng.
ש [Sin] kapa [Shin]
161 Likhosana li ntlhorisa+ ntle ho lebakaEmpa ke hlompha lintho tseo u li buileng haholo.+
162 Ke thabisoa ke lintho tseo u li buang+Joaloka motho ea fumanang thepa e ngata e hapuoeng.
163 Ke hloile leshano ebile kea le nyonya,+Ke rata molao oa hao.+
164 Ke u rorisa ka makhetlo a supileng ka letsatsiKa lebaka la likahlolo tsa hao tse lokileng.
165 Ba ratang molao oa hao ba na le khotso e ngata+Ha ho na ntho e ka etsang hore ba khoptjoe.
166 Jehova, ke tšepile hore u tla mpholosaEbile ke mamela litaelo tsa hao.
167 Ke mamela likhopotso tsa haoEbile ke li rata haholo.+
168 Ke mamela litaelo le melao ea haoHobane u bona lintho tsohle tseo ke li etsang.+
ת [Taw]
169 Jehova, e se eka u ka nkutloa ha ke lla ke u kopa thuso.+
Nthuse ho utloisisa seo lentsoe la hao le se bolelang.+
170 E se eka u ka nkutloa ha ke u kopa hore u nkhauhele.
Mpholose joalokaha u tšepisitse.
171 E se eka molomo oa ka o ka u rorisa o sa khaotse+Hobane u nthuta melao ea hao.
172 E se eka nka bina ka lintho tseo u li buileng+Hobane litaelo tsohle tsa hao li lokile.
173 E se eka u ka lula u itokiselitse ho nthusa+Hobane ke khethile ho mamela litaelo tsa hao.+
174 Jehova, ke labalabela ho pholosoa ke uenaEbile ke rata molao oa hao.+
175 Ntumelle hore ke ’ne ke phele e le hore nka u rorisa.+
E se eka melao ea hao e ka nthusa.
176 Ke hlahlathetse joaloka nku e lahlehileng.+ MpatleHobane ha kea lebala litaelo tsa hao.+
Linaletsana
^ Kapa: “ba se nang molato.”
^ Ka Seheberu: “Ekare litsela tsa ka li ka be li tiisitsoe ka thata.”
^ Ka Seheberu: “ho hloekisa tsela ea hae.”
^ Kapa: “likhopotso.”
^ Kapa: “ithuta.”
^ Kapa: “ke hlajoe ke lihlong.”
^ Kapa mohlomong: “u etsa hore pelo ea ka e be sebete.”
^ Kapa: “Ntsamaise.”
^ Kapa: “se buileng.”
^ Kapa mohlomong: “Seo u se tšepisitseng ba u tšabang.”
^ Kapa: “u buile.”
^ Kapa: “ke letetse.”
^ Kapa: “sebakeng se seholo.”
^ Kapa: “ntšepisitseng.”
^ Kapa: “Seo u entseng hore ke se letele.”
^ Kapa: “Ka tlung eo ke lulang ho eona ke le molichaba.”
^ Kapa: “ke kabelo ea ka.”
^ Kapa: “lerato le tšepahalang.” Sheba Tlhaloso.
^ Kapa: “ke ne ke etsa sebe ka phoso.”
^ Kapa: “ke letetse lentsoe la hao.”
^ Kapa mohlomong: “ka mashano.”
^ Kapa: “ke letetse lentsoe la hao.”
^ Mokotla oa letlalo o tšelang metsi.
^ Kapa: “u na le lerato le tšepahalang.” Sheba Tlhaloso.
^ Ka Seheberu: “e pharaletse haholo.”
^ Ka Seheberu: “mahalapeng.”
^ Ka Seheberu: “linyehelo tsa boithaopo tsa molomo oa ka.”
^ Kapa: “e le lefa la ka la ka ho sa feleng.”
^ Kapa: “ba lipelo li sa fellang.”
^ Kapa: “ke letetse lentsoe la hao.”
^ Kapa: “joalokaha u buile.”
^ Kapa: “seo u se buileng.”
^ Kapa: “khauta e hloekisitsoeng.”
^ Ka Seheberu: “ho latela kahlolo ea hao.”
^ Kapa: “Etsa hore mehato ea ka e tsitse.”
^ Ka Seheberu: “Ntopolle.”
^ Kapa: “ke letetse mantsoe a hao.”
^ Kapa: “boitšoaro bo nyonyehang.”
^ Kapa: “Tsamaisa nyeoe ea ka.”
