Lipesaleme 116:1-19
116 Ke rata JehovaHobane oa nkutloa* ha ke kopa thuso.+
2 Oa ’mamela.*+
Ke tla llela ho eena ha feela ke ntse ke phela.*
3 Liropo tsa lefu li ne li nthatetse.
Ke ne ke utloa eka ke haufi le ho theohela Lebitleng.*+
Ke ne ke tšoenyehile ebile ke saretsoe haholo+
4 Empa ke ile ka bitsa lebitso la Jehova ka re:+“Jehova, mpholose.”
5 Jehova o na le kutloelo-bohloko* ebile o lokile.+
Molimo oa rona o mohau.+
6 Jehova o sireletsa ba se nang boiphihlelo.+
Ke ne ke feletsoe ke matla eaba oa mpholosa.
7 E se eka nka phomola hapeHobane Jehova o bile mosa ho ’na.
8 O mpholositse lefung,Oa etsa hore ke se ke ka lla le hore leoto la ka le se ke la khoptjoa.+
9 Ke tla tsamaea ka pel’a Jehova ha ke ntse ke phela.
10 Ke ne ke e-na le tumelo. Kahoo, ke ile ka bua+Le hoja ke ne ke tšoenyehile haholo.
11 Ke ile ka tšoha ka re:
“Batho bohle ba leshano.”+
12 Ke tla patala Jehova ka engBakeng sa lintho tsohle tse molemo tseo a nketselitseng tsona?
13 Ke tla amohela kopi ea poloko hore ke mo lebohe,Ke tla bitsa lebitso la Jehova.
14 Ke tla phetha likano tsa ka ho JehovaKa pel’a batho bohle ba hae.+
15 Jehova o utloa bohloko haholo*Ha batho ba hae ba mo tšepahallang ba hlokahala.+
16 Kea u kopa hle JehovaKaha ke mohlanka oa hao.
Ke mohlanka oa hao, mora oa lekhoba la hao la mosali.
U ntopolotse litlamong tseo ke neng ke le ho tsona.+
17 Ke tla u etsetsa sehlabelo sa ho u leboha.+
Ke tla bitsa lebitso la Jehova.
18 Ke tla phetha likano tsa ka ho Jehova+Ka pel’a batho bohle ba hae,+
19 Mabaleng a ntlo ea Jehova,+Motseng oa Jerusalema.
Rorisang Jah!*+
Linaletsana
^ Kapa mohlomong: “Kea rata hobane Jehova oa utloa.”
^ Kapa: “O inamela tlase hore a ntšekehele tsebe.”
^ Ka Seheberu: “matsatsing a ka.”
^ Ka Seheberu: “mahlomola a Sheole a mphumane.”
^ Kapa: “mosa.”
^ Kapa: “Lefu la ba tšepahalang ke la bohlokoa haholo.”
^ Kapa: “Halelujah!” “Jah” ke khutsufatso ea lebitso Jehova
