Lipesaleme 10:1-18
ל [Lamed]
10 Jehova, ke hobane’ng ha u emeletse hole?
Ke hobane’ng ha u ipata ha re le matšoenyehong?+
2 Ea khopo oa ikhohomosa, o lelekisa ea sa khoneng ho itšireletsa+Empa ea khopo o tla tšoasoa ke maraba a hae.+
3 Ea khopo o ikhohomosa ka litakatso tsa hae tsa boithati,+O lakaletsa ea meharo hore a atlehe.*
נ [Nun]Ha a hlomphe Jehova.
4 Motho ea khopo ha a etse lipatlisiso hobane oa ikhohomosa.
O lula a nahana a re: “Molimo ha a eo.”+
5 Oa atleha linthong tseo a li etsang+Empa a ke ke a utloisisa likahlolo tsa hao.+
O nyatsa* lira tsohle tsa hae.
6 Ka pelong ea hae o re: “Nke ke ka sisinngoa le ka mohla.
Nke ke ka hlaheloa ke tlokotsi le ka mohla.”*+
פ [Pe]
7 Molomong oa hae ho tsoa litlhapa, mashano le litšoso.+
Ka tlas’a leleme la hae ho na le mathata le lintho tse kotsi.+
8 O lalla haufi le metsana.
Moo a ipatileng o bolaea motho ea se nang molato.+
ע [Ayin]Mahlo a hae a shebile motho eo a ka mo hlaselang.+
9 O lalla sebakeng sa hae seo a ipatang ho sona joaloka tau selaong sa eona.*+
O emetse ho tšoara ea sa khoneng ho itšireletsa.
Ha a hula letlooa la hae, o tšoasa ea sa khoneng ho itšireletsa.+
10 Motho ea hlorisoang o lahleloa fatše a be a hatelloe.
Ba malimabe ba oela matsohong a ea khopo.
11 Ka pelong ea hae o re: “Molimo o lebetse.+
Ha a na taba.*
Ha a bone letho.”+
ק [Qoph]
12 Etsa ho hong hle Jehova.+ Bontša matla a hao hle Molimo oa ka.+
U se ke oa lebala ba sa khoneng ho itšireletsa.+
13 Ke hobane’ng ha ea khopo a sa hlomphe Molimo?
Ka pelong o re: “A ke ke a nkahlola.”
ר [Resh]
14 Empa uena u bona mathata le matšoenyeho.
Oa bona ebe u etsa ho hong ka seo.+
Ea hlaseloang o tla ho uena.+
U mothusi oa khutsana.*+
ש [Shin]
15 Etsa hore ea khopo a se ke a e-ba le matla.*+
E le hore ha u batla bokhopo ba hae,U se ke oa hlola u bo fumana.
16 Jehova ke Morena ka ho sa feleng.+
Lichaba li felisitsoe lefatšeng.+
ת [Taw]
17 Jehova, u tla utloa likopo tsa ba bonolo.+
U tla ba matlafatsa+ ’me u ba mamele ka hloko.+
18 U tla phethahatsa toka ho likhutsana le ho batho ba hateletsoeng+E le hore motho leha e le ofe lefatšeng a se ke a hlola a ba tšosa.+
Linaletsana
^ Kapa mohlomong: “Ea meharo oa itlhohonolofatsa.”
^ Kapa: “ikhohomosetsa.”
^ Ka Seheberu: “ho isa molokong o mong ka mor’a o mong.”
^ Kapa: “tau morung o teteaneng.”
^ Kapa: “o patile sefahleho sa hae.”
^ Kapa: “ngoana ea se nang ntate.”
^ Ka Seheberu: “Roba letsoho la ea khopo.”
