Esaia 59:1-21
59 Letsoho la Jehova ha le lekhutšoanyane hore le sitoe ho pholosa+Le litsebe tsa hae ha lia koaleha* hore li sitoe ho utloa.+
2 Che, liphoso tsa lona li le arohantse le Molimo oa lona.+
Libe tsa lona li entse hore a le patele sefahleho sa hae’Me ha a batle ho le utloa.+
3 Matsoho a lona a silafalitsoe ke mali+Le menoana ea lona e silafalitsoe ke phoso.
Le bua leshano ka melomo ea lona,+ ka maleme a lona le honotha lintho tse sa lokang.
4 Ha ho na motho ea hoeletsang ho loka+’Me ha ho ea buang ’nete ka khotla.
Ba tšepile lefeela*+ ’me ba bua lintho tse se nang thuso.
Ba emola khathatso ’me ba tsoala lintho tse kotsi.+
5 Ba qhotsa mahe a noha e chefo,Ba loha tepo ea sekho.+
Mang kapa mang ea jang mahe a bona o ne a tla shoa,’Me lehe le pshatlehileng le qhotsa marabe.
6 Tepo ea bona e ke ke ea e-ba seaparoLe lintho tseo ba li etsang li ke ke tsa ba thusa.+
Mesebetsi ea bona e kotsi’Me liketso tse kotsi li matsohong a bona.+
7 Ba* mathela ho etsa bokhopo.
Ba potlakela ho tšolla mali a batho ba se nang molato.+
Menahano ea bona ke menahano e kotsi,Baa senyetsana, ba bakelana masisa-pelo.+
8 Ha ba tsebe tsela ea ho ba le khotso le batho ba bang.
Litseleng tsa bona ha ho na toka.+
Ba sotha litsela tsa bona.
Ha ho ea hatang ho tsona ea tla tseba khotso.+
9 Ke ka lebaka leo toka e leng hole le rona,Le ho loka ho sa re fumaneng.
Re ntse re lebeletse leseli empa ho lefifi.
Re lebeletse khanya empa re ntse re tsamaea lefifing.+
10 Re phopholetsa lebota joaloka lifofu’Me re ntse re phopholetsa joaloka ba se nang mahlo.+
Re khoptjoa motšehare o moholo joalokaha eka ke shoalane.
Har’a ba matla re tšoana le batho ba shoeleng.
11 Kaofela ha rona re ntse re rora joaloka libere.
Re ntse re lla re utloile bohloko joaloka maeba.
Re lebeletse toka empa ha e eo.
Re lebeletse poloko empa e hole haholo le rona.
12 Borabele ba rona bo ngatafetse ka pel’a hao,+Libe tsohle tsa rona lia re qosa.+
Re tseba borabele ba rona,Le liphoso tsa rona re li tseba hantle.+
13 Re foselitse Jehova ebile re mo latotse.
Re furaletse Molimo oa rona.
Re buile ka khatello le borabele,+Re emotse mashano, ra bua mantsoe ao e seng ’nete ka pelong.+
14 Toka e suthiselitsoe morao+’Me ho loka ho emella hole.+
’Nete* e khopiloe literateng’Me ntho e nepahetseng ha e khone ho kena.
15 ’Nete* ha e sa le eo+’Me mang kapa mang ea furallang bobe oa tlatlapuoa.
Jehova o bone sena ’me ha sea mo thabisa*Hobane ho ne ho se na toka.+
16 A bona hore ho ne ho se na motho,A makatsoa ke hore ebe ha ho na motho ea kenang lipakeng.
Kahoo, a lopolla* batho ka letsoho la hae,Ho loka ha hae ha mo tšehetsa.
17 Joale a apara ho loka joaloka seaparo sa tšepe,A roala helmete ea poloko.*+
A apara liaparo tsa phetetso+’Me a apara cheseho joaloka seaparo.*
18 O tla ba putsa ho latela mesebetsi ea bona:+O tla halefela bahanyetsi ba hae, a iphetetse ho lira tsa hae.+
O tla fa baahi ba lihlekehleke moputso o ba loketseng.
19 Ba ka bophirimela ba tla tšaba lebitso la Jehova,Ba ka bochabela ba tšabe khanya ea hae.
O tla tla joaloka noka e bakang mahlomola,Eo moea oa Jehova o etsang hore e phalle.
20 Jehova o re: “Molopolli+ o tla tla Sione+Ho bana ba Jakobo ba furallang phoso.”+
21 Jehova o re: “Selekane sa ka le bona ke sena:+ Moea oa ka o leng ho uena le mantsoe a ka ao ke itseng u a bue, a ke ke a tlosoa molomong oa hao, molomong oa bana* ba hao kapa molomong oa litloholo* tsa hao ho tloha hona joale ho ea ho ile,” ke Jehova ea chong.
Linaletsana
^ Ka Seheberu: “ha li boima.”
^ Kapa: “ntho e sieo.”
^ Ka Seheberu: “Maoto a bona a.”
^ Kapa: “Botšepehi.”
^ Kapa: “Botšepehi.”
^ Ka Seheberu: “e bile ntho e mpe mahlong a hae.”
^ Kapa: “a hlola.”
^ Kapa: “seaparo se se nang matsoho.”
^ Kapa: “tlholo.”
^ Ka Seheberu: “peo.”
^ Ka Seheberu: “peo ea peo ea hao.”
