Kosepele ya Matheu 1:1-25
1 Buka ya histori* ya Jesu Kreste* mora wa Davida.+ Davida o tswa lelapeng la Abrahama:+
2 Abrahama a tswala Isaka,+Isaka a tswala Jakobo,+Jakobo a tswala Juda+ le bana babo,
3 Juda a tswala Pereze le Zera+ ka Tamare,Pereze a tswala Hezrone,+Hezrone a tswala Rame,+
4 Rame a tswala Aminadabe,Aminadabe a tswala Nashone,+Nashone a tswala Salmone,
5 Salmone a tswala Boase ka Rahaba,+Boase a tswala Obede ka Ruthe,+Obede a tswala Jese,+
6 Jese a tswala Morena Davida.+Davida a tswala Solomone+ ka mosadi wa Uria,
7 Solomone a tswala Roboame,+Roboame a tswala Abija,Abija a tswala Asa,+
8 Asa a tswala Josafate,+Josafate a tswala Jorame,+Jorame a tswala Uzia,
9 Uzia a tswala Jothame,+Jothame a tswala Akaze,+Akaze a tswala Ezekiase,+
10 Ezekiase a tswala Manase,+Manase a tswala Amone,+Amone a tswala Josiase,+
11 Josiase+ a tswala Jekonia+ le bana babo. Ba hlahile nakong eo Bajuda ba neng ba iswa Babilona.+
12 Ha ba se ba le Babilona, Jekonia a tswala Shalatiele,Shalatiele a tswala Zorobabele,+
13 Zorobabele a tswala Abiude,Abiude a tswala Eliakime,Eliakime a tswala Azore,
14 Azore a tswala Tsadoke,Tsadoke a tswala Akime,Akime a tswala Eliude,
15 Eliude a tswala Eleazare,Eleazare a tswala Mathane,Mathane a tswala Jakobo,
16 Jakobo a tswala Josefa. Josefa e ne e le monna wa Maria mme wa Jesu+ ya bitswang Kreste.+
17 Ka hoo, meloko yohle e ne e eme tjena: Ho tloha ho Abrahama ho fihlela ho Davida e ne e le meloko e 14. Ho tloha ho Davida ho fihlela ha Bajuda ba iswa Babilona e le meloko e 14 mme ho tloha ha Bajuda ba iswa Babilona ho fihlela ho Kreste e le meloko e 14.
18 Ha Jesu Kreste a tla hlaha, ho ile ha etsahala tjena: Nakong eo Josefa a neng a lebeleditse Maria, Maria o ile a ima ka moya o halalelang*+ pele ba nyalana.
19 Ka ha Josefa monna wa Maria o ne a lokile ebile a sa batle ho mo hlabisa dihlong, a rera ho mo hlala ka lekunutu.+
20 Ka mora hore a nahanisise ka dintho tsena, a bona lengeloi la Jehova* torong le re: “Josefa, mora wa Davida, o se ke wa tshaba ho isa Maria mosadi wa hao lapeng hobane o imme ngwana eo ka moya o halalelang.+
21 O tla tswala mora mme o tla mo reha Jesu*+ hobane o tla pholosa batho ba habo dibeng tsa bona.”+
22 Tsena tsohle di etsahetse ho phethahatsa mantswe ao Jehova* a ileng a a bua ka moprofeta wa hae, ha a re:
23 “Morwetsana o tla ima mme a tswale mora, ba mo rehe Emanuele,”+ eo ha e fetolelwa e bolelang “Modimo o na le Rona.”+
24 Yaba Josefa o a tsoha mme o etsa ka moo lengeloi la Jehova* le neng le mo laetse ka teng, a isa mosadi wa hae lapeng.
25 Empa ha a ka a etsa thobalano le yena ho fihlela a tswetse mora+ yaba o mo reha Jesu.+
Dintlha tse qetellong ya sehloho
^ Kapa: “Mesia; Morena ya kgethilweng ke Modimo.”
^ Kapa: “leloko.”
^ Kapa: “matla ao Modimo a a sebedisang.”
^ Lena ke lekgetlo la pele ho a 237 moo lebitso la Modimo e leng Jehova, le hlahang ka Mangolong a Segerike a Bakreste. Sheba Ntlha ya A5.
^ Le batla le tshwana le Jeshua kapa Joshua e leng lebitso la Seheberu le bolelang “Jehova ke Mopholosi.”
^ Sheba Ntlha ya A5.
^ Sheba Ntlha ya A5.
