Jobo 9:1-35
9 Jobo a re:
2 “Ke a tseba hore dintho tseo ke nnete.
Empa motho a ka ipolela jwang hore o lokile ka pela Modimo?+
3 Haeba motho a ka batla ho phehisana le Modimo,*+A ke ke a kgona ho araba le potso le ha e le nngwe ho tse sekete tseo a tla mo botsa tsona.
4 O bohlale ebile o matla haholo.+
Ke mang ya ka lekang ho lwana le yena ebe ha a lemale?+
5 O suthisa* dithaba ho se motho ya tsebang,O di phethola ka bohale ba hae.
6 O sisinya lefatshe,Hoo dipilara tsa lona di thothomelang.+
7 O bolella letsatsi hore le se ke la kganya,Mme o pata kganya ya dinaledi.+
8 O otlolla mahodimo,+Mme o hata hodima maqhubu a maholo a lewatle.+
9 O entse sehlopha sa dinaledi sa Ashe,* Kesile,* Kima*+Ha mmoho le sehlopha sa dinaledi tse ka borwa.*
10 O etsa dintho tse kgolo le tse ke keng tsa batlisiswa,+Dintho tse hlollang tse se nang palo.+
11 O feta pela ka empa ha ke mo bone,O feta haufi le nna empa ha ke mo hlokomele.
12 Ha a nka ntho e itseng, ke mang ya ka mo thibang?
Ke mang ya ka reng ho yena, ‘O etsang?’+
13 Modimo a ke ke a thiba kgalefo ya hae,+Le ba thusang Rahaba*+ ba tla mo inamela.
14 Jwale nna nka mo araba jwang,Na ha ke a lokela ho kgetha mantswe a ka ha ke phehisana le yena?
15 Le haeba ke nepile ke ne nke ke ka mo araba.+
Ke ne ke tla kopa feela hore moahlodi wa ka* a nkgauhele.
16 Haeba ke mo hweletsa, na o tla nkaraba?
Ha ke dumele hore o tla mamela lentswe la ka,
17 Ka ha o ntematsa ka sefefoEbile o eketsa maqeba a ka ntle ho lebaka.+
18 Ha a ntumelle le hore ke heme,O dula a ntlisetsa dintho tse bohloko.
19 Ha ho buuwa ka matla, ke yena ya matla.+
Ha ho buuwa ka toka, o re, ‘Ke mang ya ka nqosang?’*
20 Haeba ke ne ke nepile, molomo wa ka o ne o tla hana,Le haeba nka dula ke tshepahala,* o tla re ke molato.*
21 Le haeba nka dula ke tshepahala,* ha ke itshepe,*Ke hloile* bophelo ba ka.
22 Ho a itshwanela. Ke ka lebaka leo ke reng,‘O fedisa ya se nang molato* le ya kgopo ka tsela e tshwanang.’
23 Haeba morwallo o matla o ka bolaya batho ka tshohanyetso,O ne a tla soma ba se nang molato ha ba utlwa bohloko.
24 O file batho ba kgopo lefatshe,+O kwahela mahlo* a baahlodi ba lona.
Haeba ha se yena ya etsang sena, jwale ke mang?
25 Matsatsi a ka a matha ho feta semathi,+A matha ntle le hore ke bone se molemo.
26 A tsamaile jwalo ka dikepe tsa lehlaka,Jwalo ka dintsu tse fofelang tlase ho diphofu tsa tsona.
27 Haeba ke re, ‘Ke tla lebala bohloko ba ka,Ke tla tlohela ho kwata mme ke thabe,’
28 Ke ne ke tla nne ke tshohe ka lebaka la dintho tsohle tse bohloko tse ntlhahelang,+Mme ke a tseba hore o ne o tla re ke molato.
29 Ho ne ho tla thwe ke molato.*
Ke hobaneng ha ke lokela ho sehlela lefeela?+
30 Haeba nka itlhatswa ka metsi a lehlwa,Mme ka hlwekisa matsoho a ka ka sesepa,*+
31 O ne o tla ntahlela ka sekoting,Hoo le diaparo tsa ka di neng di tla ntlhoya.
32 Modimo ha se motho ya tshwanang le nna hore nka mo araba,Le hore nka mo isa kgotla.+
33 Ha ho motho ya ka etsang qeto* pakeng tsa rona,Le eo e ka bang moahlodi* wa rona.
34 Ha a ka tlohela ho nkotla*Le ho ntlisetsa dintho tse ntshosang,+
35 Ke ne ke tla bua le yena ke sa tshoha,Ka ha ha ke kgone ho bua ha ke tshohile.
Dintlha tse qetellong ya sehloho
^ Kapa: “ho mo isa kgotla.”
^ Kapa: “tlosa.”
^ Mohlomong ke sehlopha sa dinaledi sa Bere e Kgolo (Ursa Major).
^ Ka Seheberu: “dikamore tse ka hare tsa borwa.”
^ Mohlomong ke dinaledi tsa Selemela tse ka hara sehlopha sa dinaledi sa Tauruse.
^ Mohlomong ke sehlopha sa dinaledi sa Makolobe (Orion).
^ Mohlomong phoofolo e kgolokgolo ya lewatleng.
^ Kapa mohlomong: “ya nkganyetsang molaong.”
^ Ka Seheberu: “ya ka mpitsang?”
^ Kapa: “Le haeba ke se na molato.”
^ Ka Seheberu: “molotsana.”
^ Kapa: “Le haeba ke se na molato.”
^ Kapa: “ha ke itsebe.”
^ Kapa: “Ke latola; ha ke batle.”
^ Kapa: “ba dulang ba tshepahala.”
^ Ka Seheberu: “difahleho.”
^ Ka Seheberu: “kgopo.”
^ Kapa: “mofuta wa sesepa se entsweng ka molora.”
^ Kapa: “Ha ho na mokenadipakeng.”
^ Ka Seheberu: “Le ya ka behang letsoho la hae hodima rona.”
^ Ka Seheberu: “a tlosa molamu wa hae hodima ka.”
