Jobo 26:1-14
26 Jobo a re:
2 “Ka nnete o thusitse motho ya se nang matlaEbile o mo pholositse.+
3 O fane ka keletso e molemo hakaakang ho motho ya seng bohlale.+O bontshitse hore o bohlale.*
4 O leka ho bua le mang,Ke mang ya o susumeditseng hore o bue dintho tseo?
5 Ba shweleng ha ba na matla mme ba a thothomela ka pela Modimo,Ba tlase le ho feta metsi le dibopuwa tse dulang ho ona.
6 Ha ho letho le Lebitleng* leo Modimo a sa le boneng+Ebile o bona ntho e nngwe le e nngwe e ka sekoting sa timetso.*
7 O otlolla sepakapaka hodima sebaka se se nang letho,*+O etsa hore lefatshe le leketle moyeng.
8 O phuthela metsi ka maru a hae,
Ka tsela e tla etsa hore maru a se ke a phatloha ka lebaka la boima ba metsi.+
9 O kwahela terone ya haeKa leru la hae.+
10 O etsa moedi pakeng tsa sepakapaka le lewatle+Le pakeng tsa lefifi le kganya.
11 Le dipilara tsa lehodimo di a thothomela,Di tshoswa ke kgalefo ya hae.
12 O fuduha lewatle ka matla a hae,+Ka lebaka la kutlwisiso ya hae o roba phoofolo e kgolohadi ya lewatle* dikotwana.+
13 O hlwekisa sepakapaka ka moya oo a o hemang,O hlaba noha e thellang.
14 Tsena ke dinyane feela tsa ditsela tsa hae,+Dintho tseo re di utlwileng ka yena di jwalo ka mohweshetso feela.Ke mang ya ka utlwisisang lehadima la hae le matla?”+
Dintlha tse qetellong ya sehloho
^ Kapa: “o na le kelello.”
^ Kapa: “Abadone.”
^ Ka Seheberu: “lefeela.”
^ Ka Seheberu: “Rahaba.”
