Esaia 45:1-25
45 Ana ke mantswe ao nna Jehova ke a boleletseng motlotsuwa wa ka, Saeruse,+Eo ke tshwereng letsoho la hae le letona+Hore ke hlole ditjhaba ka pela hae+Le hore ke amohe marena matla,*Ke bule ka pela hae menyako e nang le mamati a mabediE le hore dikeiti di se ke tsa kwalwa:
2 “Ke tla tsamaya ka pela hao,+Ke tla batalatsa maralla.
Ke tla roba mamati a koporo dikoto,Ke pome le mekwallo ya tshepe.+
3 Ke tla o fa matlotlo a hara lefifiLe matlotlo a patilweng kgotjheletsaneng+E le hore o ka tseba hore ke nna Jehova,Modimo wa Iseraele, ya o bitsang ka lebitso.+
4 Molemong wa mohlanka wa ka Jakobo le wa Iseraele mokgethwa wa ka,Ke o bitsa ka lebitso.
Ke o fa lebitso le hlomphehang le hoja o ne o sa ntsebe.
5 Ke nna Jehova, ha ho e mong.
Ha ho Modimo ntle ho nna.+
Ke tla o fa matla* le hoja o ne o sa ntsebe,
6 E le hore batho ba ka tsebaHo tloha botjhabela ho ya bophirimela*Hore ha ho e mong ntle ho nna.+
Ke nna Jehova mme ha ho e mong.+
7 Ke tlisa lesedi+ le lefifi,+Ke bopa kgotso+ mme ke baka tlokotsi.+
Nna, Jehova, ke etsa dintho tsena tsohle.
8 Lona mahodimo, etsang hore ho loka ho theohe jwalo ka pula+Le maru a ke a nese ho loka.
Lefatshe le ke le bulehe le hlahise ditholwana tsa poloko,Le hlahise le ho loka ka nako e tshwanang.+
Nna, Jehova, ke entse dintho tsena.”
9 Ho madimabe ya phehisang Mmopi wa hae* kgangHobane ke leqhetswana feelaHara maqhetswana a mang a dijana tsa letsopa a lahletsweng fatshe.
Na letsopa le ka re ho Sebopi:* “O etsang?”+
Kapa na mosebetsi wa hao o ka re: “Ha a na matsoho”?*
10 Ho madimabe ya reng ho ntate: “O ntate wa eng?”
Le ho mme: “O beleha eng?”*
11 Jehova, Moetsi le Mohalaledi wa Iseraele,+ o re:
“Na le ka mphehisa kgang ka dintho tseo e leng hona di tla etsahalaLe ho ntaela hore na ke etseng ka bana ba ka+ le mesebetsi ya matsoho a ka?
12 Ke entse lefatshe+ ka ba ka bopa motho.+
Ke otlolotse mahodimo ka matsoho a ka+Mme ke laela makgotla ohle a ona.”+
13 “Ke susumeditse motho ho nka kgato ka ho loka,+Ke tla otlolla ditsela tsohle tsa hae.
Ke yena ya tla haha motse wa ka+Le ho lokolla batho ba ka botlamuweng+ ntle ho tefo kapa tjotjo,”+ ke Jehova wa mabotho ya tjhong.
14 Jehova o re:
“Phaello* ya Egepeta le thepa e rekiswang* ya Ethiopia, le Basabia, banna ba balelele,Ba tla tla ho wena mme e tla ba ba hao.
Ba tla tsamaya ka mora hao ba tlanngwe ka diketane.
Ba tla tla, ba o inamele.+
Ba tla o rapela ba re, ‘Ka nnete Modimo o na le wena+Mme ha ho e mong, ha ho Modimo e mong.’”
15 Ka nnete o Modimo ya patang ditsela tsa hae,Modimo wa Iseraele, Mopholosi.+
16 Kaofela ha bona ba tla swabiswa mme ba tlotlollwe.
Baetsi ba ditshwantsho tse rapelwang ba tla tloha ba swabile kaofela.+
17 Empa Jehova o tla pholosa Iseraele ka ho sa feleng.+
Le ke ke la swabiswa kapa la tlotlollwa ho ya ho ile.+
18 Ana ke mantswe a Jehova,Mmopi wa mahodimo,+ Modimo wa nnete,Ya entseng lefatshe, Moetsi wa lona ya le tiisitseng ka thata,+Ya sa kang a le bopela lefeela* empa a le etseditse hore batho ba dule ho lona:+
“Ke nna Jehova mme ha ho e mong.
19 Ha ke a bua ke le sebakeng se patehileng,+ sebakeng se lefifi.
Ha ke a re ho ditloholo* tsa Jakobo,‘Le ha le ka mpatla, le tla be le mpatlela lefeela.’
Ke nna Jehova, ya buang dintho tse nepahetseng* le ya phatlalatsang nnete.+
20 Bokanang mme le tle.
Atamelang mmoho, lona baphonyohi ba tswang ditjhabeng.+
Ba tsamayang ba nkile ditshwantsho tse betlilweng ha ba tsebe letho,Ba rapela modimo ya ke keng a ba pholosa.+
21 Ba ke ba* etse tlaleho ya bona, ba teke nyewe ya bona,Ba rerisane ha mmoho ba entse ngatananngwe.
Ke mang ya ileng a profeta dintho tsee ho tloha kgale,A di phatlalatsa ho tloha dinakong tse fetileng?
Na ha se nna, Jehova?
Ha ho Modimo e mong haese nna.
Ke Modimo ya lokileng le Mopholosi,+ ha ho e mong ntle le nna.+
22 Sokolohelang ho nna mme le pholoswe,+ lona dikgutlo tsohle tsa lefatsheHobane ke nna Modimo mme ha ho e mong.+
23 Ke hlapantse ka nna,Lentswe le tswile molomong wa ka ka ho lokaMme le tla fela le phethahale:+
Motho e mong le e mong o tla nkgumamela,Motho e mong le e mong o tla ikana hore o tla ntshepahalla+
24 A re, ‘Ruri Jehova o dula a etsa dintho tse lokileng mme o matla.
Bohle ba mo halefelang ba tla tla ka pela hae ba swabile.
25 Ka Jehova, ditloholo* tsohle tsa Iseraele di tla fumanwa di lokile,+Di tla ithorisa ka Yena.’”
Dintlha tse qetellong ya sehloho
^ Ka Seheberu: “ke tlamolle dinyepa mathekeng a marena.”
^ Ka Seheberu: “tlamella haufiufi.”
^ Kapa: “Ho tloha botjhabatsatsi ho ya bophirimatsatsi.”
^ Kapa: “Ya mo entseng.”
^ Kapa: “Ya le bopileng.”
^ Kapa mohlomong: “Kapa na letsopa le ka re: ‘Mosebetsi wa hao ha o na mehele’?”
^ Kapa: “O bohlokong ba pelehi bakeng sa eng?”
^ Kapa mohlomong: “Basebetsi.”
^ Kapa mohlomong: “borakgwebo.”
^ Kapa mohlomong: “hore le sale le se na letho.”
^ Ka Seheberu: “peo.”
^ Kapa mohlomong ho buuwa ka batho ba ‘ditjhaba.’
^ Ka Seheberu: “peo.”
