Esaia 4:1-6
4 Letsatsing leo, basadi ba supileng ba tla tshwara monna a le mong+ ba re:
“Re tla ipatlela bohobe,Re ipatlele le diaparo.
Re ikopela feela hore re bitswe ka lebitso la haoE le hore re tloswe sekgobo.”*+
2 Letsatsing leo, dijalo tseo Jehova a di medisang di tla atleha mme di tlokome. Baphonyohi ba Iseraele ba tla thaba le ho ba motlotlo ka ditholwana tsa naha.+
3 Mang kapa mang ya setseng Sione le ya siilweng Jerusalema o tla nkwa a halalela, bohle ba Jerusalema ba ngotsweng lethathamong la ba tla phela teng.+
4 Ha Jehova a hlatswa ditshila* tsa baradi ba Sione+ mme a tlosa madi* Jerusalema ka moya wa kahlolo le moya o tjhesang,*+
5 Jehova o tla boela a etse leru le mosi motshehare le kganare ya mollo bosiu,+ hohle Thabeng ya Sione le sebakeng sa yona seo ho kopanelwang ho sona. Ho tla ba le tshireletso sebakeng sohle se kganyang.
6 Ho tla ba le lephephe le tla etsa moriti motshehare ha letsatsi le tjhesa,+ e be setshabelo le sebaka sa ho ipatela difefo le dipula.+
Dintlha tse qetellong ya sehloho
^ Ke ho tlotlollwa ka lebaka la ho se nyalwe le ho se be le bana.
^ Ka Seheberu: “mantle.”
^ Kapa: “tshollo ya madi.”
^ Kapa: “hlwekisang.”
