Dipesaleme 130:1-8

  • “Ke o hweletsa ke tshwenyehile haholo”

    • “Haeba o ne o sheba diphoso” (3)

    • Jehova o tshwarela e le ka nnete (4)

    • “Ke emetse Jehova” (6)

Pina ya ho Nyolohela Motseng. 130  Jehova, ke o hweletsa ke tshwenyehile haholo.+  2  Nkutlwe hle Jehova. E se eka o ka mmamedisisa ha ke kopa thuso.  3  Jah,* haeba o ne o sheba* diphoso,Jehova, ke mang eo o neng o tla mo fumana a se na molato?+  4  O tshwarela e le ka nnete+E le hore batho ba o hlomphe.+  5  Ke tshepa Jehova. Ke mo tshepa ka pelo yohle ya ka. Ke emetse hore ditshepiso tsa hae di phethahale.  6  Ke emetse Jehova,+ Ho feta balebedi ba emetseng hore e be hoseng.+  7  E se eka Baiseraele ba ka dula ba emetse JehovaHobane Jehova o na le lerato*+Ebile o na le matla a maholo a ho lopolla.  8  O tla lopolla Baiseraele diphosong tsohle tsa bona.

Dintlha tse qetellong ya sehloho

^ “Jah” ke kgutsufatso ya lebitso Jehova.
^ Kapa: “bala.”
^ Kapa: “lerato le tshepahalang.” Sheba Tlhaloso.
PHETOLELO YA LEFATSHE LE LETJHA YA MANGOLO A HALALELANG
Dipesaleme 130
Sesotho (South Africa)
Bala Bibele Inthaneteng
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt leq. 40