Dipesaleme 103:1-22
Pesaleme ya Davida.
103 Ke tla rorisa Jehova,Ke rorise lebitso la hae le halalelang ka pelo ya ka yohle.
2 Ke tla rorisa Jehova.
E se eka le ka mohla nke ke ka lebala dintho tsohle tseo a di entseng.+
3 O tshwarela motho diphoso tsohle+Ebile o fodisa bohloko bohle boo motho a bo utlwang.+
4 O pholosa bophelo ba hae lebitleng.*+
O potapotilwe ke lerako le mohau wa hae.+
5 O mo fa dintho tse mo kgotsofatsang+ bophelo bohle ba haeHore a dule a le motjha a bile a ena le matla jwalo ka ntsu.+
6 Jehova o tshwara bohle ba hateletsweng+ ka toka+Le ka tsela e lokileng.
7 O ile a tsebisa Moshe mesebetsi ya hae,+A tsebisa Baiseraele diketso tsa hae.+
8 Jehova o mohau mme o na le kutlwelobohloko,*+O dieha ho halefa ebile o lerato.*+
9 A ke ke a dula a re tshwaya diphoso+Ebile a ke ke a dula a re halefetse.+
10 Ha a re fe kotlo e re tshwanelang ho latela dibe tsa rona+Ebile ha a re fe moputso o re tshwanelang ho latela diphoso tsa rona.+
11 Feela jwalo ka ha mahodimo a phahametse lefatshe haholo,Ba mo tshabang o ba rata* haholo.+
12 Feela jwalo ka ha botjhabela bo le hole le bophirimela,Ka ho tshwanang o suthiseditse diphoso tsa rona hole le rona.+
13 Jehova o hauhetse ba mo tshabangFeela jwalo ka ha ntate a hauhela bana ba hae.+
14 O tseba hantle tsela eo re bopilweng ka yona,+O a hopola hore re lerole.+
15 Motho o shwa kapele jwalo ka jwang.+
O thunya jwalo ka palesa ya naheng.+
16 Empa ha moya o foka, e a nyamelaJwalo ka ha eka ha e eso ka e eba teng.*
17 Empa Jehova o rata ba mo tshabang+Ka lerato le sa felengLe ditloholo tsa bona o tla di tshwara ka tsela e lokileng,+
18 O etsa jwalo ho ba bolokang selekane sa hae+Le ho ba ikemiseditseng ho latela ditaelo tsa hae.
19 Jehova o tiisitse terone ya hae mahodimong.+
Ebile o busa ntho e nngwe le e nngwe.+
20 Rorisang Jehova, lona mangeloi ohle a hae+ a matla,A phethang ditaelo tsa hae+ le ho mo mamela.*
21 Rorisang Jehova, lona mabotho ohle a hae,+Lona basebeletsi ba hae, ba etsang thato ya hae.+
22 Rorisang Jehova hohle moo a busang teng,Lona mesebetsi yohle ya hae.
E se eka nka rorisa Jehova ka pelo yohle ya ka.
Dintlha tse qetellong ya sehloho
^ Kapa: “sekoting.”
^ Kapa: “mosa.”
^ Ka Seheberu: “Sebaka sa yona ha se sa tla hlola se e tseba.”
^ Ka Seheberu: “A utlwang (modumo) wa lentswe la hae.”
