Jesu uyati kutsi kunjani kuhlupheka ngenca yebugebengu nekungalungi. Wamangalelwa ngemacala langemanga, washaywa ngalokungekho emtsetfweni, watfola sigwebo lesingamfaneli futsi wabulawa kabuhlungu. Ngisho nobe bekete licala, ngekutitsandzela wanikela ‘ngekuphila kwakhe kuze kube yinhlawulo yalabanyenti.’ (Matewu 20:28; Johane 15:13) Njengobe sekayiNkhosi yeMbuso waNkulunkulu, madvutane utawucedza bugebengu emhlabeni wonkhe futsi aletse kulunga.​—Isaya 42:3.

 LiBhayibheli lisitjela kutsi umhlaba utobanjani nasekubusa Jesu:

•    “Bantfu lababi ngeke basaba khona; utawubuka lapho bebatfolakala khona, kepha batawube bangasekho. Kodvwa labamnene batawudla lifa lemhlaba, futsi batawujabulela kuthula lokukhulu.”​—Tihlabelelo 37:10, 11.

 Singakhombisa njani kutsi siyabonga ngako konkhe Jesu lasentele kona kanye nangaloko lasatasentela kona? KuLukha 22:19, Jesu watjela balandzeli bakhe kutsi bakhumbule kufa kwakhe. Kungako njalo ngemnyaka ngelilanga lafa ngalo, BoFakazi BaJehova bayahlangana kuze bakhumbule kufa kwakhe. Siyakumema kutsi ube natsi eSikhumbutweni sekufa kwaJesu ngeLisontfo, mhlaka 24 March 2024.

Tfola Sikhumbuto