Tihlabelelo 74:1-23
Imaskili* ya-Asafa.+
74 Awu Nkulunkulu, usilahleleni siphelane?+
Kwentiwa yini kutsi intfukutselo yakho ivutsele timvu telidlelo lakho?+
2 Khumbula bantfu lowatikhetsela bona kusukela kadzeni,+Lokusive lowasisindzisa saba lifa lakho.+
Khumbula iNtsaba iSiyoni, indzawo lowawuhlala kuyo.+
3 Naka tindzawo lesetasala titindzala.+
Sitsa sibhubhise konkhe lobekusendzaweni lengcwele.+
4 Titsa takho tingene timemeta ngekhatsi endzaweni yekukukhontela,+Tafike tabeka timphawu tato.
5 Betifanana nemadvodza lagawula lihlatsi lelihlangene asebentisa emazembe.
6 Tatidzilita ngemazembe nangemathulusi ensimbi tonkhe tindvonga tendzawo lengcwele letinemihlobiso.+
7 Tashisa indzawo yakho lengcwele.+
Tedzelela lithende lekukhontela lelinelibito lakho, talidzilita.
8 Tona kanye nebantfwana bato betititjela titsi:
“Sitatishisa tonkhe tindzawo tekukhontela Nkulunkulu letikulelive.”
9 Nyalo asisatiboni timphawu tetfu;Sekute ngisho namunye umphrofethi losele,Futsi sonkhe asati kutsi loku kutawuchubeka sikhatsi lesingakanani.
10 Awu Nkulunkulu, kutawuze kube ngunini sitsa sikwetfuka?+
Lesitsa sitawedzelela libito lakho kuze kube phakadze yini?+
11 Usigodleleni sandla sakho sangesekudla?+
Ungatigoci tandla takho, kodvwa tibhubhise titsa takho.
12 Nkulunkulu uyiNkhosi yami kusukela kadzeni,Ungumsindzisi lomkhulu emhlabeni.+
13 Wena wanyakatisa lwandle ngemandla akho;+Wafihlita tinhloko tetilwane letinkhulu taselwandle.
14 Wafihlita inhloko* yesilwane lesikhulu saselwandle;*Wayinika bantfu kutsi bayidle, lokubantfu labahlala elugwadvule.
15 Wavula imisele kuze kube netiyalu nemifula;+Womisa imifula lehlale igeleta.+
16 Imini ngeyakho, nebusuku nabo ngebakho.
Nguwe lowenta kukhanya nelilanga.+
17 Wabeka yonkhe imincele yemhlaba;+Wenta lihlobo nebusika.+
18 Awu Jehova, khumbula tinhlamba sitsa sakho lesikwetfuke ngato,Ukhumbule indlela bantfu labatilima labaledzelela ngayo libito lakho.+
19 Lituba lakho ungalinikeli etilwaneni tesiganga.
Ungabakhohlwa siphelane bantfu bakho labahluphekako.
20 Khumbula sivumelwane lowasenta natsi,Ngobe tindzawo letimnyama emhlabeni setigcwele bantfu labatidlova.
21 Shengatsi labo labacindzetelekile bangete badvumateka;+Shengatsi labangenabani nalabeswele bangadvumisa libito lakho.+
22 Awu Nkulunkulu, sukuma futsi utikhulumele ecaleni lobekwe lona.
Ukhumbule indlela bantfu labatilima labahlale bakwetfuka ngayo.+
23 Ungakukhohlwa loko titsa takho letikushoko.
Umsindvo walabo labangakulaleli uchubeka ukhula.
Imibhalo lengentansi
^ Fundza Tinchazelo Temagama.
^ NgesiHebheru kutsi, “tinhloko.”
^ NgesiHebheru kutsi, “Leviyathani.”
