Tihlabelelo 60:1-12
Sicondziso lesiya kumcondzisi: Kufanele ihlatjelwe ngendlela letsi: “Imbali LeBufakazi.”* Imiktamu* yaDavide lokufanele kufundziswe ngayo. Imayelana nalesikhatsi alwa nebantfu base-Aramu-naharayimu nebase-Aramu-Sobha. Jowabe wabese ubuyela emuva wabulala bantfu baka-Edomu labangu-12 000 eSihosheni Seluswayi.+
60 Awu Nkulunkulu, wena usilahlile futsi wasincoba.+
Bewusitfukutselele; kodvwa nyalo sale usemukela!
2 Wena utamatamise umhlaba; wawenta wavuleka.
Vala timfa tawo, ngobe sewuyadzilika.
3 Wente kutsi bantfu bakho babe sebumatimeni.
Usinatsise liwayini lelisente sadzakwa.+
4 Nika* labo labakwesabako luphawuLwekutsi babaleke futsi bavike umcibisholo. (Sela)
5 Sindzisa bantfu bakho lobatsandzako,Usikhulule ngesandla sakho sangesekudla futsi usiphendvule.+
6 Nkulunkulu longcwele* utsite:
“Ngitawujabula, iShekhemu ngitayinika bantfu bami,+NeSihosha* saseSukhothi ngitasabela bantfu bami.+
7 IGileyadi ngeyami, nesive sakaManase naso ngesami,+Sive saka-Efrayimu sisivikelo senhloko yamiSive sakaJuda siyintfonga* yami yebukhosi.+
8 Sive sakaMowabi siyindishi yami yekugezela.+
Ngitawujika sicatfulo sami etikwesive saka-Edomu.+
Ngitawumemeta ngijabulile ngenca yekuncoba sive semaFilisti.”+
9 Ngubani lotangisita ngincobe lelidolobha lelivinjetelwe?*
Ngubani lotangisita ngihlasele sive saka-Edomu?+
10 Awu Nkulunkulu, nguwe lotasenta sincobe. Kodvwa nyalo wena usilahlile,Futsi wena Nkulunkulu wetfu awusahambi nemabutfo etfu.+
11 Sisite nasicindzetelekile,Ngobe kusindziswa ngumuntfu kulite.+
12 Nkulunkulu utasinika emandla,+Futsi utatigcobagcoba titsa tetfu.+
Imibhalo lengentansi
^ Kungenteka kushiwo insimbi yemculo lenetintsambo, indlela ingoma lebhalwe ngayo, nobe indlela yekuhlabela. Kodvwa ayatiwa kahle inchazelo lengiyo.
^ Fundza Tinchazelo Temagama.
^ Kungaphindze kubekwe ngekutsi, “Unikete.”
^ Nobe “NeliTsafa.”
^ Kungaphindze kubekwe ngekutsi, “losendzaweni yakhe lengcwele.”
^ NgesiHebheru leligama lisho indvuku lendze lemelela lilungelo lemholi lekushaya imitsetfo.
^ Kungaphindze kubekwe ngekutsi, “lelivikelekile.”
