Tihlabelelo 139:1-24
Sicondziso lesiya kumcondzisi. Ingoma yaDavide.
139 Awu Jehova, ungihlolisisile futsi uyangati.+
2 Wena uyati nangihlala phansi nalapho ngisukuma.+
Wati lengikucabangako ube ukhashane.+
3 Uyanginakisisa nangihamba nobe nangilala;Futsi utati tonkhe tindlela tami.+
4 Ngitsi ngisengakakhulumi lutfo ngemlomo wami,Wena Jehova, usuke sewati kutsi ngitawutsini.+
5 Wena ungitungelete kuto tonkhe tinhlangotsi;Futsi sandla sakho usibeka etikwami.
6 Indlela longati ngayo ijule kakhulu*Kangangekutsi angeke ngize ngiyicondze.+
7 Ngingawubalekela ngiyephi nje umoya wakho,Ngingabhaca kuphi nje lapho wena ungeke ungibone khona?+
8 Kube bengingenyukela ezulwini, wena bewutangibona nalapho,Kube bengingehlela eThuneni,* wena bewutangitfola nalapho.+
9 Kube bengingandizela khashane,*Ngiyohlala etichingini letikhashane,
10 Sandla sakho besitangihola ngisho nalaphoFutsi bewutangibamba ngesandla sakho sangesekudla.+
11 Kube bengingatsi: “Bumnyama butangimbonya!”
Busuku bebutawugucuka bufanane nekukhanya kimi.
12 Ngisho nebumnyama bebungeke bube mnyama kuwe,Kodvwa busuku bebutawukhanya njengemini;+Kuwe bumnyama bufana nekukhanya.+
13 Wena wadala tinso tami;Wangigcina ngifihlekile* esiswini samake.+
14 Ngiyakudvumisa ngobe ungidale ngendlela lemangalisako.+
Imisebenti yakho mihle kakhulu,+Futsi loko ngikwati kahle.
15 Ematsambo ami bekangakafihleki kuweNgalesikhatsi ungidala ekusitsekeni,Ngesikhatsi ngikhula esiswini samake.*+
16 Emehlo akho angibona ngesikhatsi ngisesiswini samake;*Ngaphambi kwekutsi kuvele ngisho nalinye lilunga lemtimba wami,Wena besewuvele uwabhale phansi encwadzini yakho,Wabhala mayelana nekutsi wawenta nini.
17 Maye imicabango yakho iligugu kakhulu kimi!+Awu Nkulunkulu, maye minyenti kakhulu!+
18 Kube bengingayibala, beyingaba minyenti kakhulu kunesihlabatsi saselwandle.+
Bengingatsi nobe ngivuka ngibe solo ngiyibala.*+
19 Awu Nkulunkulu, kube mane bewungababulala lababi,+Bantfu labanebudlova* bebatawubese bayesuka kimi,
20 Lokungulabo labatikhuluma ngemabomu tintfo letimbi ngawe.
Batitsa takho futsi balisebentisa kabi libito lakho.+
21 Awu Jehova, ngiyabenyanya bantfu labakwenyanyako,+Futsi ngiyabatondza bantfu labakuvukelako.+
22 Ngibenyanya mbamba;+Batitsa tami letinkhulu.
23 Awu Nkulunkulu, ngihlolisise futsi wati inhlitiyo yami.+
Ngiphenyisise futsi wati imicabango lengikhatsatako.*+
24 Buka kutsi ngisengakacali yini kuhamba endleleni leyingoti,+Futsi ungicondzise ngihambe endleleni yaphakadze.+
Imibhalo lengentansi
^ Nobe “imangalisa kakhulu.”
^ Nobe “eShiyoli,” lokusho lithuna lebantfu. Fundza Tinchazelo Temagama.
^ NgesiHebheru kutsi, “Kube bengingandizela khashane ngetimphiko tentsatsakusa.”
^ Kungaphindze kubekwe ngekutsi, “Wangidala.”
^ NgesiHebheru kutsi, “Ngesikhatsi ngelukwa ekujuleni kwemhlaba.”
^ Nobe “ngisengumbungu.”
^ NgesiHebheru kutsi, “ngibe solo nginawe.”
^ Nobe “labababulali.”
^ Nobe “lenganginiki kuthula.”
