Litsini LiBhayibheli?
Unalo yini Nkulunkulu ligama?
LABANYE BANTFU BATSI Nkulunkulu ute ligama, labanye batsi ligama lakhe nguNkulunkulu nobe Nkhosi, kantsi labanye batsi unemagama lamanyenti kakhulu. Wena ucabangani?
LOKUSHIWO LIBHAYIBHELI
“Nguwe wedvwa lolibito lakhe linguJehova, nguwe Losetikwako Konkhe, lophakeme abuse umhlaba wonkhe.”—Tihlabelelo 83:18, NW.
KUKHONA YINI LOKUNYE LIBHAYIBHELI LELIKUSHOKO NGALENDZABA?
Nanobe Nkulunkulu aneticu letinyenti kodvwa linye ligama lakhe.—Eksodusi 3:15, NW.
Akusimatima kucondza Nkulunkulu, futsi ufuna kutsi simati.—Imisebenti 17:27.
Ligama laNkulunkulu yintfo yekucala lokufanele siyati nasifuna kuba bangani bakhe.—Jakobe 4:8.
Kubi yini kubita Nkulunkulu ngeligama?
UNGAPHENDVULA UTSINI?
Yebo
Cha
Mhlawumbe
LOKUSHIWO LIBHAYIBHELI
“Ungaliphatsi ngelite libito laJehova Nkulunkulu wakho.” (Eksodusi 20:7, NW) Kusebentisa ligama laNkulunkulu kubi kuphela nangabe singalihloniphi.—Jeremiya 29:9.
KUKHONA YINI LOKUNYE LIBHAYIBHELI LELIKUSHOKO NGALENDZABA?
Jesu bekalati ligama laNkulunkulu futsi bekambita ngalo.—Johane 17:25, 26.
Nkulunku usicela kutsi simbite ngeligama.—Tihlabelelo 105:1.
Titsa taNkulunkulu tizama kwenta kutsi bantfu balikhohlwe ligama lakhe.—Jeremiya 23:27.
Lokunye Longatsandza Kukuhlola
TIMFUNDZISO TELIBHAYIBHELI LETIBALULEKILE
Nkulunkulu Unalo Yini Libito?
Nkulunkulu uneticu letinyenti letifaka ekhatsi lesitsi Somandla, uMdali nalesitsi Nkhosi. Kodvwa libito laNkulunkulu lisetjentiswe tikhatsi letingaba ngu-7 000 eBhayibhelini.
TIMPHENDVULO TEMIBUTO LEMAYELANA NELIBHAYIBHELI
Nkulunkulu Unemabito Lamangaki?
Bantfu bangahle bacabange kutsi emagama aNkululnkulu ahlanganisa latsi ‘Alla,’ ‘El Shaddai,’ ‘Jehova-Jire,’ ‘Alfa na-Omega.’ Kunendzaba yini kutsi simbita njani Nkulunkulu?
TIMPHENDVULO TEMIBUTO LEMAYELANA NELIBHAYIBHELI
Ligama laNkulunkulu nguJesu yini?
Jesu akazange asho kutsi unguNkulunkulu uMninimandla Onkhe. Leni?
SICONGOSEKULINDZA
