1 | Umthantazo—‘Phonsani Konkhe Kukhatsateka Kwenu Kuye’
LIBHAYIBHELI LITSI: ‘Phonsani konkhe kukhatsateka kwenu kuNkulunkulu, ngobe uyanikhatsalela.’—1 PHETRO 5:7.
Lokukushoko
Jehova Nkulunkulu usimema kutsi sikhulume naye nganobe ngabe yini lesikhatsatako. (Tihlabelelo 55:22) Kute inkinga lenkhulu kakhulu nobe lencane kakhulu kutsi singamtjela ngayo. Nangabe kubalulekile kitsi, kubalulekile nakuJehova, ngobe uyasikhatsalela futsi unendzaba nendlela lesitiva ngayo. Kuthantaza kuye kusinyatselo lesibalulekile lokufanele sisitsatse kuze sibe nekuthula kwengcondvo.—KubaseFiliphi 4:6, 7.
Indlela Loku Lokungasita Ngayo
Nasilwisana nekucindzetelaka singahle sitive sisondvwana. Labanye bantfu bangahle bangayicondzi indlela lesitiva ngayo. (Taga 14:10) Nasitfululela tinhlitiyo tetfu kuNkulunkulu ngemthantazo, simtjele indlela lesitiva ngayo, utasilalela futsi ayicondze. Jehova uyasibona, uyabati buhlungu lesibuvako, kanye netintfo lesilwisana nato. Ufuna sithantaze kuye simtjele konkhe lokusikhatsatako.—2 Tikhronike 6:29, 30.
Kukhuluma naJehova ngemthantazo kusenta siciniseke kutsi uyasikhatsalela. Kungasenta sitive ngendlela umhlabeleli lativa ngayo nakathantaza atsi: “Ukubonile kuhlupheka kwami; uyati kutsi ngicindzeteleke kakhulu.” (Tihlabelelo 31:7) Kwati nje kutsi Jehova uyakubona loko lesilwisana nako, kungasisita sibeketelele tikhatsi letimatima. Jehova wenta lokungetulu nje kwekumane abone loko lokusicindzetelako, uphindze ayicondze kancono kwendlula nobe ngabe ngumuphi lomunye umuntfu indlela lesitiva ngayo naloko lesibhekene nako, futsi usisita sitfole indvudvuto nesikhutsato eBhayibhelini.
Lokunye Longatsandza Kukuhlola
SICONGOSEKULINDZA
Singathantaza Njani Kuze Siviwe NguNkulunkulu?
Khuluma naNkulunkulu nome ngabe ukuphi, nobe ngabe ngusipho sikhatsi, uphumisela nobe ngenhlitiyo. Jesu wasisita kutsi sikwati loko lesingakusho.
BANTFU LABASHA BAYABUTA
Kungani Kufanele Ngithantaze?
Kukhona yini umthantazo losita ngako nobe umane nje uyindlela yekutenta utive uncono?
SICONGOSEKULINDZA
Nkulunkulu Uyayiva Yini Imithantazo Yetfu?
LiBhayibheli lisicinisekisa kutsi Nkulunkulu uyayiva imithantazo yetfu nasithantaza kuye ngendlela layemukelako.
MAYELANA NATSI
Cela Kuvakashelwa
Coca ngembuto lomayelana neliBhayibheli nobe ufundze lokunyenti ngaBoFakazi BaJehova.
