Sitfole kutsi bantfu labanyenti lasebavele banato tinkholo bayakutsandza kucoca ngeliBhayibheli. Siyalihlonipha lilungelo lemuntfu lekuba netinkholelo letingafanani netetfu futsi asibaphoceleli bantfu kutsi basilalele nabangatsandzi.

 Nasicoca nebantfu ngenkholo, setama kwenta njengobe liBhayibheli lisho kutsi sikhulume nabo “ngebumnene” kanye “nangenhlonipho.” (1 Phetro 3:15, NW) Sikulindzele kutsi labanye bantfu ngeke bawemukele umlayeto lesibaphatsele wona. (Matewu 10:14) Nome kunjalo, sisuke singati kutsi bantfu batawutsini kute kube ngulapho sesikhulume nabo. Siyabona nekutsi timo tebantfu tiyashintja.

 Sibonelo saloko kutsi, ngelilanga lelitsite umuntfu angase abe matasatasa singakhoni kucoca naye kodvwa nasibuyela kuye ngalesinye sikhatsi, akujabulele kucoca natsi. Bantfu bangaphindze bahlangabetane netinkinga labangakatejwayeli nobe timo lokufanele batilungise, lokubenta kutsi bawunake umlayeto weliBhayibheli. Ngaleso sizatfu, setama kucocisana kanyenti nabo.