Furu sma na ala sei fu grontapu e si a kroisi leki wan marki fu a Kresten bribi. Aladi Yehovah Kotoigi na Kresten, toku wi no e gebroiki a kroisi na ini wi anbegi. Fu san ede?

 Wan fu den reide na taki Bijbel e sori taki Yesus no dede na wan kroisi ma na wan postu. Boiti dati, Bijbel e warskow tru Kresten fu „wai pasi gi afkodrei”, dati wani taki fu no gebroiki kroisi na ini na anbegi.​—1 Korentesma 10:14; 1 Yohanes 5:​21.

 A moi fu sabi san Yesus taki: „Na a fasi disi ala sma o sabi taki unu na mi disipel, te unu lobi makandra” (Yohanes 13:34, 35). Na so Yesus sori krin taki na a lobi di wi ben o sori sondro fu denki wisrefi nomo, o meki sma sabi wi leki den tru bakaman fu en, a no te wi e gebroiki wan kroisi noso iniwan tra sortu prenki.