SINGI 152
Wan presi di o gi yu glori
(1 Kownu 8:27; 1 Kroniki 29:14)
1. Yehovah, wi Gado na hemel,
grontapu no man hori yu.
Ma a yeye f’yu kan d’anga wi,
winsi pe w’e anbegi yu.
N’a moi presi dis wi e din yu.
Wi wan’ skèin a krin leti f’i.
W’e prisiri f’dini yu wawan.
So w’e sor yu a lobi f’wi.
(BRUG 1)
Na yusrefi gi wi
ala san’ di wi abi.
Naf’ yu anu wi kis den
san’ di w’e gi yu now.
(REFREIN 1)
Wi wan’ gi yu glori Yehovah
gi san yu e du ala ten.
Nang’a singi dis w’e prèise yu
in na oso d’o tya yu nen.
2. Yehovah, yu sab saw’ ben wani:
Wan presi fu prèise yu nen.
Mek a yep yu pipel n’ala sei
fu kan preiki f’yu ala ten.
Yu gi wi wan presi fu wroko.
W’e du san y’e aksi fu wi.
Nanga yepi fu yu Manpikin
wi e du ala wroko f’i.
(BRUG 2)
San wi abi w’e g’i,
alaw’ ten nanga krakti.
Yu wawan wi wan’ dini.
Yu na wi Mekiman.
(REFREIN 2)
Wi wan’ gi yu glori Yehovah
gi san yu e du ala ten.
Nang’a singi dis w’e prèise yu
in na oso d’o tya yu nen.
