Sori san na den prenspari wortu. Baka te yu leisi wan tekst, dan poti prakseri na den wortu di e tyari a tori di yu e taki, kon na krin. Kande yu kan leisi den wortu baka noso yu kan poti wan aksi di o yepi den arkiman fu si san na den prenspari wortu.

Yepi den arkiman fu memre sortu prenspari sani yu wani leri den nanga a tekst. Efu yu taigi den arkiman fu san ede yu o leisi wan tekst, dan baka te yu leisi a tekst, yu musu sori den fa den wortu na ini a tekst e horibaka gi a sani di yu taigi den.

Fruklari a tekst na wan makriki fasi. No taki fu den pisi na ini a tekst di no abi noti fu du nanga a tori di yu e taki. Te yu e hori na prakseri san den arkiman sabi kaba fu a tori, dan dati o yepi yu fu sabi o furu yu musu taki fu yepi den fu frustan a tori.