Yesaya 65:1-25
65 „Mi meki den sma di no ben e aksi fu mi, suku mi.Mi meki den sma di no ben e suku mi, feni mi.
Mi taigi wan pipel di no ben e kari mi nen: ’Luku mi dya! Luku mi dya!’
2 Heri dei mi langa mi anu gi wan tranga-ede pipel.Den e waka wan pasi di no bunèn den e du san den wani.
3 Ala yuru a pipel disi e wiswasi mi leti na ini mi fesi.Den e tyari srakti-ofrandi na ini den dyari èn den e tyari smoko-ofrandi na tapu ston di den meki.
4 Den e sdon na mindri den grebièn heri neti den e kibri.*Den e nyan agumeti.A sowsu fu meti di no krin de na ini den patu.
5 Den e taki: ’Tan pe yu de. No kon krosbei fu mi,bika mi santa moro yu.’*
Den sma disi na smoko na ini mi noso-olo èn wan faya di e bron heri dei.
6 Luku! A skrifi leti na mi fesi.Mi no o tan pî.Mi o pai den gi san den du.Iya, mi o strafu den gi ala san den du.*
7 Mi o strafu den gi den sondu di den du èn gi den sondu di den afo fu den du.
Den tyari smoko-ofrandi na tapu den bergièn den gi mi syen na tapu den pkin bergi.Fu dati ede, a fosi sani di mi o du, na fu strafu den gi ala den ogri di den du”,* na so Yehovah taki.
8 Disi na san Yehovah taki:
„Te sma piki wan bosu droifi èn den si taki den kan meki nyun win fu dati,den e taki: ’No trowe a bosu droifi, wan tu bunwan de na ini ete.’*
Na dati mi o du tu nanga den futuboi fu mi.Mi no o kiri den alamala.
9 Ma mi o meki Yakob kisi pkinèn den bergi fu mi o de fu den pkin fu Yuda.Na mi o taki suma o kisi den presi datièn na den futuboi fu mi o tan drape.
10 Te mi pipel suku mi baka,dan Saron o tron wan weigron gi skapuèn Akor-lagipresi o de wan presi pe kaw e rostu.
11 Ma na unu gwe libi Yehovah.Na unu fergiti mi santa bergi.Na unu e seti wan tafra gi a gado fu Koloku*èn na unu e kanti win gi a gado di e taki na fesi fa sani o waka.
12 Mi o meki sma kiri unu nanga fet’owruèn un alamala o saka kindi meki den kiri unu.Bika mi ben kari unu, ma unu no ben piki.Mi ben taki, ma unu no ben arki.Unu tan du sani di mi no feni bun.Na den sani di mi no lobi, na dati unu du.”
13 Fu dati ede a Moro Hei Masra Yehovah taki:
„Luku! Den futuboi fu mi o nyan, ma unu o de nanga angri.
Den futuboi fu mi o dringi, ma watra o kiri unu.
Den futuboi fu mi o prisiri, ma unu o kisi syen.
14 Den futuboi fu mi o bari fu prisiri fu di den abi wan bun ati.Ma unu o bari fu di unu abi pen na un ati.Iya, unu o bari krei fu di unu las’ati.
15 Te unu no de moro, dan den sma fu mi o gebroiki a nen fu unu leki wan flukuèn a Moro Hei Masra Yehovah o kiri ibriwan fu unu.Ma a o gi den futuboi fu en wan tra nen.
16 Dan ala sma na grontapu di e suku blesio kisi blesi fu a tru Gado.*Ala sma na grontapu di e meki wan sweri,o sweri na a tru Gado.*
Den no o prakseri den problema fu fosi moroèn mi no o si moro fa den e pina.
17 Bika luku, mi o meki nyun hemel nanga wan nyun grontapu.Sma no o memre den fosten sani moroèn den sani dati no o abi krakti na den tapu moro.
18 Fu dati ede, un musu breiti srefsrefi èn un musu prisiri fu têgo nanga den sani di mi o meki.
Bika mi o meki Yerusalem tron wan sani di o gi unu prisirièn den sma drape o meki unu breiti srefsrefi.
19 Mi o prisiri nanga Yerusalem èn mi o breiti srefsrefi nanga mi pipel.Noiti moro sma o yere trawan e krei drape èn noiti moro den o yere sma e bari krei fu di problema e miti den.”
20 „Noiti moro a o de so, taki wan beibi drape libi wan tu dei nomo.Wan owru man no o dede fosi en ten.
Te wan sma abi wán hondro yari èn a dede, dan sma o taki dati a dede yonguyongu.Fluku o kon na tapu wan sma di e sondu èn a o dede aladi a abi wán hondro yari nomo.*
21 Den o bow oso èn den srefi o tan na ini.Den o prani droifidyari èn den srefi o nyan fu en.
22 Den no o bow oso, dan wan tra sma go tan na ini.Den no o prani sani, dan tra sma nyan fu dati.
Bika mi pipel o libi bun langa, neleki wan bonèn den sma di mi teki o breiti nanga a wroko di den e du.
23 Den no o wroko tranga fu sosoèn den no o kisi pkin di o pina.Bika den na pkin di Yehovah blesièn a o blesi den bakapkin fu den tu.
24 Fosi den kari mi, mi o piki denèn fosi den kba taki mi o yere den.
25 Den busdagu nanga den pkin skapu o nyan nanga makandra.Den lew o nyan grasi neleki den mankaw.Den sneki o nyan doti.
Den no o du ogri èn den no o pori nowan sani na tapu a heri santa bergi fu mi”, na so Yehovah taki.
Futuwortu
^ Noso kande: „heri neti den de na ini waktiman-oso”.
^ Noso kande: „noso yu o kon santa leki mi”.
^ Noso: „den borsusaka o furu nanga a strafu di mi o gi den”.
^ Noso: „na fu furu den borsusaka nanga a strafu di mi o gi den”.
^ Hebrewtongo: „wan tu blesi de na ini ete”.
^ Noso: „a gado di e meki taki sani waka bun”.
^ Noso: „a Gado di de fu fertrow”. Hebrewtongo: „amen”.
^ Noso: „a Gado di de fu fertrow”. Hebrewtongo: „amen”.
^ Noso kande: „Efu wan sma dede fosi a abi wán hondro yari, dan sma o si en leki wan sma di abi wan fluku na en tapu”.
