Psalm 56:1-13
Gi a fesiman fu den pokuman: A musu prei leki a poku di nen „A doifi di de farawe èn di no e bari”. Wan psalm fu David. Wan Miktam.* David skrifi en di den Filisteasma grabu en na Gat.
56 Mi Gado, yepi mi, fu di libisma e suku fu du mi ogri.*
Heri dei den e feti nanga mi èn den e pina mi.
2 Heri dei mi feanti de na mi baka, leki meti di e suku fu beti mi.Furu heimemre sma e feti nanga mi.
3 Te mi e frede, mi e fertrow na yu tapu.
4 Mi e prèise Gado fu den sani di a pramisi.Tapu Gado mi e fertrow. Mi no e frede noti.
San libisma kan du mi?
5 Heri dei den e suku problema gi mi.Na soso ogri den e prakseri fu du nanga mi.
6 Den e seti luru fu du mi ogri.Den e luku sortu pasi mi e tekièn den e howpu taki den kan feni wan fasi fu kiri mi.
7 Mi Gado, strafu den bika den e du furu ogri.
Wai den pipel puru nanga bigi atibron.
8 Yu sabi heri bun fa mi e pina leki wan loweman.
Grantangi, poti mi watra-ai na ini yu lerisaka.*
Yu teri den èn yu skrifi dati na ini a buku fu yu.
9 Na a dei di mi o bari kari yu fu yepi mi, den feanti fu mi o kmoto na mi tapu.
Mi de seiker taki Gado de nanga mi.
10 Mi e fertrow tapu Gado, mi e prèise en fu den sani di a taki.Mi e fertrow tapu Yehovah, mi e prèise en fu den sani di a taki.
11 Tapu Gado mi e fertrow. Mi no e frede noti.
San libisma kan du mi?
12 Mi Gado, mi abi fu du san mi pramisi yu.Mi o tyari ofrandi gi yu fu taki yu tangi.
13 Yu hori mi na libi.Yu sorgu taki mi no fadon.Dati meki mi de na libi èn mi man dini yu, mi Gado.
Futuwortu
^ Noso: „de na mi baka, leki meti di e suku fu beti mi”.
^ Disi na wan batra fu metibuba pe sma ben e gwenti poti watra na ini.
