Psalm 48:1-14
Wan psalm. Wan singi fu den bakapkin fu Korak.
48 Yehovah bigi èn ala sma musu prèise en na ini a foto fu wi Gado,na tapu en santa bergi.
2 Sion-bergi, di de te na noordsei, hei èn a moi.Ala sma na grontapu e prisiri nanga a bergi disi,iya, nanga a foto fu a Bigi Kownu.
3 Na ini den toren fu a foto disi,Gado meki sma sabi taki en na wan kibripresi.*
4 Luku, den kownu kon na wán.Makandra den hari go feti nanga a foto.
5 Di den si a foto den skreki.
Den bruya èn den lon gwe fu di den ben frede.
6 Leti drape den bigin beifi.Hebi pen naki den neleki wan uma di de fu meki wan pkin.
7 Yu meki wan tranga winti wai kon fu owstusei fu broko den sipi fu Tarsis.
8 Wi ben yere san Gado ben du èn now wisrefi si.Wi si san psa na ini a foto fu Yehovah di e tiri den legre, iya, a foto fu wi Gado.
Gado o meki a foto disi tan fu têgo. (Sela)
9 Gado, na ini a tempel fu yuwi e denki dipi fu a bun-ati* fu yu.
10 Gado, sma na ala sei sabi yu nen èn den e prèise yute na den farawe presi fu grontapu.
Yu lobi fu du san reti.
11 Meki Sion-bergi prisiri.Meki den foto* fu Yuda breiti, fu di yu krutu sani na wan reti fasi.
12 Un waka lontu Sion.Teri omeni toren a abi.
13 Poti prakseri na a tranga skotu fu a foto disi.
Ondrosuku den fortresi* fu en,so taki unu kan ferteri den bakapkin fu unu san unu si,
14 fu di a Gado disi na wi Gado fu ala ten, iya, fu têgo.
Na en o tiri wi fu ala ten.*
Futuwortu
^ Noso: „wan hei bergi pe den kan go kibri”.
^ Hebrewtongo: „den umapkin”.
^ Noso kande: „teleki wi dede”.
