Psalm 36:1-12
Gi a fesiman fu den pokuman. Wan psalm fu David, a futuboi fu Yehovah.
36 Dipi na ini na ati fu na ogrisma wan sten e taigi en fu du ogri.A no abi nowan lespeki gi Gado.
2 A e kori ensrefi taki a betre moro tra sma.Dati meki a no e si den fowtu fu en èn a no e hati en taki a du den.
3 A e taki sani nanga en mofo fu hati trawan èn fu kori den.A no sabi moro fa fu du bun.
4 Srefi te a de na tapu en bedi, a e prakseri sortu ogri a o go du.
A e teki wan pasi di no bun.A no e wai pasi gi ogri.
5 Yehovah, a bun-ati* fu yu e doro te na hemel.Den bun sani di yu e du furu so te, taki den e doro te na den wolku.
6 A retidu fu yu de leki den bigi bergi.*Den wet fu yu de leki den dipi presi pe furu watra de.
Yehovah, na yu e hori libisma nanga meti na libi.*
7 Gado, a bun-ati* fu yu na wan bigi sani gi mi.
Libisma e lon kon kibri na ondro den frei fu yu.
8 Den e nyan den bere furu nanga den moro bun sani* na ini yu oso.Yu gi den furu bun sani. Iya, a de neleki den e dringi fu wan liba di abi furu watra.
9 Yu na a sma di e gi libi.Na a leti fu yu e meki taki wi man si leti.
10 Tan sori bun-ati* gi den wan di sabi yuèn tan du san reti gi den wan di e dini yu nanga den heri ati.
11 No meki a futu fu den heimemre sma masi mi.No gi den ogriwan na okasi fu meki mi tron wan loweman.
12 Luku! Den ogrisma fadon.Sma pusu den trowe na gron èn den no man opo.
Futuwortu
^ Hebrewtongo: „leki bergi fu Gado”.
^ Noso: „na yu e ferlusu libisma nanga meti”.
^ Hebrewtongo: „den moro fatu sani”.
