Psalm 16:1-11
Wan Miktam* fu David.
16 Tye mi Gado, kibri mi, bika na yu mi kon suku yepi.
2 Mi ben taigi Yehovah: „Yu na Yehovah. Ala bun sani e kon fu yu.
3 Den santawan na grontapu,den sma di musu kisi grani e gi mi furu prisiri.”
4 Den sma di e dini tra gado e kisi furu problema.
Noiti mi o tyari brudu leki ofrandi gi den gado dati.A nen fu den no o kmoto na ini mi mofo srefi.
5 Mi e dini Yehovah èn dati na ala san mi abi fanowdu. Na en e furu a kan fu mi.
Na en e kibri a gudu di mi musu kisi.
6 Mi breiti nanga a libi fu mi.*
Iya, mi breiti nanga san mi kisi.
7 Mi o prèise Yehovah, a Gado di gi mi rai.
Srefi te neti mi ati* e sori mi san na a yoisti sani fu du.
8 Ala ten mi e prakseri Yehovah.
Noiti mi o frede,* fu di a de na mi ret’anusei.
9 Dati meki mi ati e prisiri. Iya, mi* breiti srefsrefi.
Mi no e frede taki ogri o miti mi.
10 Yu no o libi mi na ini Grebi.*
Yu no o meki a sma di tai hori na yu, tan na ini a grebi-olo.*
11 Yu e sori mi fa mi musu libi.
Mi e prisiri te mi de krosbei fu yu.Te mi de na yu ret’anusei, dan mi o prisiri fu ala ten.
Futuwortu
^ Hebrewtongo: „Mi kisi wan moi pisi gron”.
^ Noso: „den dipi firi fu mi”. Hebrewtongo: „den niri fu mi”.
^ Noso: „Noiti mi o degedege”.
^ Hebrewtongo: „mi glori”.
^ Noso kande: „pori na ini a grebi”.
