Psalm 116:1-19
116 Mi lobi Yehovahbika a e arki mi sten te mi e begi en fu yepi mi.
2 Iya, a e poti yesi arki* mi.Mi heri libi langa* mi o bari kari en.
3 Den t’tei fu dede ben tai mi hori.A ben gersi leki mi ben de na ini Grebi.*
Mi ben e frede èn na soso sari mi ben e sari.
4 Ma mi kari a nen fu Yehovah. Mi taki:
„Tye Yehovah, ferlusu mi!”
5 Yehovah abi switifasi èn a e du san reti.A Gado fu wi abi sar’ati.
6 Yehovah e kibri den sma di no abi ondrofeni.
Mi ben saka gwe, ma a yepi mi.
7 Mi no o broko mi ede moro,bika Yehovah du bun gi mi.
8 Yu kibri mi, so taki mi no dede.Iya, yu kibri mi, so taki mi ai no lon watra èn taki mi no naki mi futu fadon.
9 Mi o waka nanga Yehovah na ini a kondre fu den libiwan.
10 Fu di mi ben abi bribi meki mi taki san de tapu mi ati,aladi mi ben e pina srefsrefi.
11 Mi bruya èn mi taki:
„Ala libisma na leiman.”
12 San mi o pai Yehovah bakafu ala den bun di a du gi mi?
13 Mi o dringi fu a kan* fu ferlusu.Mi o kari a nen fu Yehovah.
14 Mi o du gi Yehovah san mi sweri.Iya, san mi sweri na dati mi o du na fesi en pipel.
15 Yehovah e si a dede fu den sma di tai hori na enleki wan seryusu sani.
16 Yehovah, na yu mi e begi,bika mi na yu futuboi.
Mi na yu futuboi, a manpkin fu yu umasrafu.
Yu ferlusu mi fu den banti di ben e tai mi hori.
17 Mi o tyari ofrandi gi yu fu taki yu tangi.Mi o kari a nen fu Yehovah.
18 Mi o du gi Yehovah san mi sweri.Iya, san mi sweri na dati mi o du na fesi en pipel.
19 Na ini den dyari lontu na oso fu Yehovah,mindrisei fu Yerusalem, mi o du san mi sweri.
Prèise Yah!*
Futuwortu
^ Noso: „beni fu arki”.
^ Hebrewtongo: „Na ini den dei fu mi”.
^ Noso: „Mi o opo a kan”.
^ Noso: „Haleluyah!” „Yah” na a syatu fasi fa sma e skrifi a nen Yehovah.
