Nehemia 11:1-36
11 Na a ten dati den edeman+ fu a pipel ben e libi na Yerusalem+ kaba. Sobun, den tra Israelsma iti lòt+ fu luku suma ben o go tan na ini a santa foto+ Yerusalem tu. Fu ibri tin famiri-edeman, wán ben musu go libi drape. Den neigi trawan ben o libi na den tra foto.
2 Boiti dati, a pipel blesi+ ala den man di ben de klariklari+ fu go libi na Yerusalem.
3 Sobun, disi na den edeman fu a kontren+ di ben e tan na Yerusalem.+ Ma den tra Israelsma,+ den priester,+ den Leifisma,+ den Neitinem,+ nanga den manpikin fu den futuboi fu Salomo,+ ben e libi na ini den tra foto fu Yuda. Ibriwan fu den ben e libi na en eigi gron èn na ini en eigi foto.+
4 Sonwan fu den bakapikin fu Yuda nanga Benyamin+ ben tan na Yerusalem tu. Disi na den bakapikin fu Yuda: Ataya, a manpikin fu Usia. Usia ben de wan manpikin fu Sakaria èn wan granpikin fu Amaria. Amaria ben de wan bakapikin fu Sefatya. Sefatya ben de wan bakapikin fu Mahalalel. Mahalalel ben de wan bakapikin fu Peres.+
5 Maseya, wan manpikin fu Baruk. Baruk ben de wan bakapikin fu Kolosei. Kolosei ben de a manpikin fu Hasaya. Hasaya ben de wan bakapikin fu Adaya. Adaya ben de a manpikin fu Yoyarib. Yoyarib ben de wan bakapikin fu Sakaria di ben de wan bakapikin na ini a famiri fu den Selasma.
6 Na ini a famiri fu Peres, yu ben abi fo hondro siksitenti na aiti deki-ati man di ben e tan na Yerusalem.
7 Disi na den bakapikin fu Benyamin:+ Salu, a manpikin fu Meisulam.+ Meisulam ben de a bakapikin fu Yowed. Yowed ben de a manpikin fu Pedaya. Pedaya ben de wan bakapikin fu Kolaya. Kolaya ben de wan bakapikin fu Maseya. Maseya ben de wan bakapikin fu Itiyel. Itiyel ben de wan bakapikin fu Yesaya.
8 Boiti dati, yu ben abi Gabai nanga Salai. Ala nanga ala, den ben de nanga neigi hondro tutenti na aiti man.
9 Yoèl, di ben de a manpikin fu Sikri, ben de tiriman fu den èn Yuda, di ben de a manpikin fu Hasenuwa, ben de ondro-tiriman fu a foto.
10 Disi na den priester: Yedaya, di ben de a manpikin fu Yoyarib,+ Yakin,+
11 nanga Seraya, di ben de a manpikin fu Helkia èn a granpikin fu Meisulam.+ Meisulam ben de a manpikin fu Sadok+ èn a granpikin fu Merayot. Merayot ben de a manpikin fu Ahitub,+ di ben de wan fesiman na ini na oso fu a tru Gado.
12 Boiti dati, yu ben abi den famiriman fu den di ben e wroko na ini na oso.+ Ala nanga ala, den ben de nanga aiti hondro tutenti na tu man. Yu ben abi sosrefi Adaya, di ben de a manpikin fu Yeroham.+ Yeroham ben de a manpikin fu Pelalia. Pelalia ben de a manpikin fu Amsi. Amsi ben de a manpikin fu Sakaria. Sakaria ben de a manpikin fu Pasyur.+ Pasyur ben de a manpikin fu Malkia.+
13 Yu ben abi den famiriman fu Adaya tu. Den man disi ben de famiri-edeman+ sosrefi. Ala nanga ala, den ben de nanga tu hondro fotenti na tu man. Boiti dati, yu ben abi Amasai, a manpikin fu Asarel. Asarel ben de a manpikin fu Asai. Asai ben de a manpikin fu Mesilemot. Mesilemot ben de wan bakapikin fu Imer.
14 Yu ben abi den famiriman fu Amasai tu. Den man disi ben de tranga, deki-ati man.+ Ala nanga ala, den ben de nanga wán hondro tutenti na aiti man. A fesiman+ fu den ben de Sabdiyel, wan man fu wan prenspari famiri.
15 Disi na den Leifisma:+ Semaya, di ben de a manpikin fu Hasub èn a granpikin fu Asrikam. Asrikam ben de a manpikin fu Hasabia+ di ben de a manpikin fu Buni.
16 Boiti dati, yu ben abi Sabetai+ nanga Yosabad,+ edeman fu den Leifisma di ben e wroko dorosei fu na oso fu a tru Gado.
17 Matanya+ srefi ben de drape tu. A ben de a manpikin fu Mika. Mika ben de wan bakapikin fu Sabdi. Sabdi ben de wan bakapikin fu Asaf.+ Matanya ben de a fesiman fu den sma di ben e singi prèisesingi+ èn a ben gwenti singi prèisesingi te sma ben e begi.+ Boiti dati, yu ben abi Bakbukia, a tra fesiman fu den singiman, nanga Abda di ben de a manpikin fu Samuwa. Samuwa ben de a manpikin fu Galal.+ Galal ben de a manpikin fu Yedutun.+
18 Ala nanga ala, tu hondro aititenti na fo Leifisma ben de na ini a santa foto.+
19 Den waktiman fu den portu+ ben de Akub, Talmon,+ nanga den brada fu den. Ala nanga ala, wán hondro seibitenti na tu man ben abi a wroko fu hori wakti na den portu.+
20 Ala den tra Israelsma, den tra priester, nanga den tra Leifisma ben e tan na ini den tra foto fu Yuda. Ibriwan fu den ben e tan na en eigi gron.+
21 Den Neitinem+ ben e tan na Ofel.+ Den edeman fu den Neitinem, ben de Siha nanga Gispa.
22 Na edeman+ fu den Leifisma di ben e wroko na ini na oso fu a tru Gado na Yerusalem, ben de Usi. A ben de a manpikin fu Bani. Bani ben de a manpikin fu Hasabia. Hasabia ben de a manpikin fu Matanya.+ Matanya ben de a manpikin fu Mika.+ Mika ben de fu a famiri fu Asaf.+ Den sma disi ben de singiman.+
23 Kownu* ben gi wan komando di ben abi fu du nanga ala den singiman.+ Sani ben seti gi den, taki den ben kan kisi a nyanyan di den abi fanowdu ibri dei+.
24 Dan yu ben abi Petaya di ben e yepi Kownu fu lusu iniwan problema fu a pipel. A ben de a manpikin fu Mesesabel. Mesesabel ben de wan bakapikin fu Sera di ben de a manpikin fu Yuda.
25 Sonwan fu den bakapikin fu Yuda go libi na Kiriat-Arba,+ Dibon, nanga Yekabseyel.+ Den ben e libi sosrefi na den pikin foto+ èn na den dorpu krosibei fu den bigi foto disi.
26 Den ben e libi sosrefi na ini den foto Yesuwa, Molada,+ Bet-Pelet,+
27 Hasar-Suwal,+ Berseiba+ nanga den pikin foto krosibei fu a foto disi,
28 Siklak,+ Mekona nanga den pikin foto krosibei fu den foto disi,
29 En-Rimon,+ Sora,+ Yarmut,+
30 Sanowa,+ Adulam+ nanga den dorpu krosibei fu den foto disi, Lakis+ nanga den weigron krosibei fu a foto disi èn Aseka+ nanga den pikin foto krosibei fu a foto disi. Den ben e libi na ini a heri kontren di ben de na mindri Berseiba nanga Hinom-lagipresi.+
31 Den bakapikin fu Benyamin ben e libi na den foto Geiba,+ Mikmas,+ Aya,+ Betel+ nanga den pikin foto krosibei fu a foto disi,
32 Anatot,+ Nob,+ Anania,
33 Hasor, Rama,+ Gitayim,+
34 Hadid, Sebowim, Nebalat,
35 Lod,+ Ono,+ nanga a lagipresi fu den wrokoman di abi a koni fu meki moi sani.
36 Son famiri fu den Leifisma ben e libi fosi na ini a kontren fu Yuda. Bakaten, den go libi na ini a kontren fu a lo fu Benyamin.
Futuwortu
^ Soleki fa a sori, dan disi ben de Kownu Artakserkses.
