Freida 24 februari 2023, na wán yari sensi na ogri feti na ini Ukraini bigin. Wan tu raportu e sori taki sowan 300.000 srudati fu Ukraini nanga Rosiakondre dede noso kisi mankeri èn taki sowan 30.000 tra sma lasi den libi. Ma kande moro sma dede srefi.

 A no sori leki a feti disi o kon na wan kaba heri esi. Disi na wan sari sani trutru.

•   „Na bijna wán yari taki Rosiakondre broko go na ini Ukraini. Ma a no sori leki a feti disi o kon na wan kaba nownowde. Nowan fu den tu kondre e wini a feti èn a no gersi leki den o man agri nanga makandra.”​—NPR (National Public Radio), 19 februari 2023.

 Furu sma e sari taki a feti disi nanga den tra feti na grontapu e meki sma di no du nowan ogri pina. Sortu howpu Bijbel e gi wi? Wan ten o kon pe feti no o de moro?

 Bijbel e taki fu wan feti di o yepi libisma na presi fu kiri den. A feti disi na ’a feti fu a bigi dei fu Gado na Almaktiwan’ èn Bijbel e kari en Armagedon (Openbaring 16:14, 16). Te Gado o feti a feti disi a o puru ala den libisma regering di meki taki so furu feti de na grontapu di e kiri furu sma. Leisi den artikel disi fu kon sabi fa Armagedon o tyari freide kon fu ala ten:

•   “San na a feti fu Armagedon?”

•   “Yu no abi fu frede Armagedon!”