Moro nanga moro sma no e sori bun maniri moro. Siki sma e bari den datra sondro fu sori lespeki gi den. Den basi fu den restaurant e bari den sma di e wroko gi den. Sma di e frei nanga plane go na wan tra presi, wani feti nanga den sma di e wroko na ini a plane. Skoropkin e spotu den jufrow nanga meneer na skoro. Den e taki dati den o du ogri nanga den èn den e feti nanga den srefi. Son politiekman e tyari densrefi na wan syenfasi. Tra politiekman e du neleki den e tyari densrefi na wan bun fasi.

 Bijbel kan yepi wi fu sabi san na bun maniri. Bijbel e leri wi tu fu san ede furu sma no abi bun maniri moro.

 Na ala sei fu grontapu wi kan si taki sma no abi bun maniri moro èn taki den no sabi san bun èn san ogri.

•   Di sma ondrosuku a tori disi, den si taki den Amerkan feni taki den maniri fu sma na ini a kondre fu den kon moro ogri leki fa a ben de na ini den 22 yari di psa.

•   Di den ben aksi moro leki 32.000 sma fu 28 kondre, dan 65 procent fu den taki dati den maniri fu den sma go na baka moro leki oiti bifo.

 Bijbel ben taki dati sma ben o tyari densrefi na a fasi disi.

•   „Na ini den lasti dei muilek ten o de. . . . . Sma o lobi densrefi nomo. Den o lobi moni. Den o lobi dyaf. Den o abi heimemre. Den o taki ogri fu trawan. Den o trangayesi papa nanga mama. Den no o de nanga tangi. . . . . Den no o lobi trawan. Den o du ogri-ati sani.”​—2 Timoteyus 3:1-3.

 Efu yu wani kon sabi moro fa a profeititori disi e kon tru, dan yu kan leisi na artikel di nen „Is wat mensen elkaar nu aandoen in de Bijbel voorspeld?”

 Aladi furu sma na grontapu no abi bun maniri moro, tòg milyunmilyun sma kon si taki Bijbel kan yepi den fu sabi fa fu tyari densrefi na wan bun fasi. „Ala ten yu kan fertrow den wet” fu Bijbel (Psalm 111:8). Disi na wan tu eksempre:

•   San Bijbel e taki: „Ala sani di unu wani meki sma du gi unu, na dati un musu du gi den tu.”​—Mateyus 7:12.

   San disi wani taki: Wi musu libi na wan switifasi nanga sma èn na wan lespeki fasi, neleki fa wi wani taki den musu libi nanga wi.

•   San Bijbel e taki: „Now di unu no e lei moro, ibriwan fu unu musu taki san tru nanga trawan.”​—Efeisesma 4:25.

   San disi wani taki: Ala ten wi musu taki èn du sani na wan eerlijk fasi.

 Efu yu wani kon sabi moro fa a tori disi, dan yu kan leisi:

•   A Waktitoren di nen „San kan yepi yu fu sabi san bun èn san ogri.”

•   Na artikel di nen „Tolerantie: Hoe de Bijbel kan helpen.”