Duke filluar nga 28 prilli 2024, shira të furishme e të vazhdueshme kanë rënë në shtetin e Rio-Grande-do-Sul, në jug të Brazilit, duke shkaktuar përmbytje të mëdha. Dëmet që pësuan rrugët dhe pjesë të tjera të infrastrukturës e kanë bërë të vështirë që njerëzit të evakuohen. Është përllogaritur se mbi 2,1 milionë veta janë prekur nga kjo katastrofë. Aktualisht, më shumë se 125 persona janë raportuar të zhdukur dhe të paktën 147 veta kanë humbur jetën.

• Mjerisht, një çift të moshuarish vdiqën

• 1.544 vëllezër e motra u evakuan

• 2 shtëpi u shkatërruan

• 155 shtëpi pësuan dëme të mëdha

• 483 shtëpi pësuan dëme të vogla

• 3 Salla Mbretërie pësuan dëme të mëdha

• 10 Salla Mbretërie pësuan dëme të vogla

• Është ngritur një Komitet Ndihme në Rast Katastrofash (KNRK) për të koordinuar punën për dhënien e ndihmës. Anëtarë të KNRK-së vizituan zonën e prekur për të ndihmuar në shpërndarjen e ndihmave dhe për t’u dhënë inkurajim nga Bibla vëllezërve e motrave

• Mbikëqyrësit qarkorë dhe pleqtë vendës po u japin zemër vëllezërve dhe po u sigurojnë ndihmë praktike atyre që janë prekur nga kjo katastrofë

• Dëshmitarë që banojnë në zonat më të sigurta po u sigurojnë strehim të përkohshëm vëllezërve e motrave që janë shpërngulur

Përmbytjet bashkë me efektet shkatërrimtare nuk kanë mbaruar akoma, prandaj lutemi që Jehovai të jetë ‘fortesë në kohë vuajtjesh’ për vëllezërit e motrat në Brazil.—Psalmi 37:39.