Më 7 tetor 2013 Dëshmitarët e Jehovait nxorën një program për celular a pajisje të ngjashme të quajtur JW Library. Shërben për leximin e studimin e Biblës. Ky aplikacion biblik falas përmban gjashtë përkthime të Biblës në anglisht, përfshirë King James Version dhe New World Translation of the Holy Scriptures, rishikuar më 2013. a

Miliona njerëz përdorin gjerësisht smartphone, tableta ose pajisje të ngjashme për punë dhe për të komunikuar. Përderisa këta përdorues kishin mundësi ta lexonin e studionin Biblën në sitin jw.org, pse doli JW Library?

Së pari, pasi instalohet, ky program nuk është i varur nga Interneti. Së dyti, u bë posaçërisht që ta ndihmonte lexuesin t’i gjente kollaj shkrimet dhe ta studionte më hollësisht Biblën. Si?

Herën e parë kur hapet, JW Library shfaq emrat e librave të Biblës. Kur zgjedh një libër të Biblës, del një listë me kapitujt e atij libri. Kështu, në pak sekonda mund të gjesh një varg të veçantë a një fragment brenda kapitullit. Programi ka edhe veçori të tjera për studimin e Biblës:

• Shënime ku jepen përkthime të tjera të mundshme dhe informacione shtesë

• Referime për vargjet biblike përkatëse

• Një mjet kërkimesh që e drejton përdoruesin te të gjitha rastet kur del një fjalë a shprehje

• Një përmbledhje të çdo libri biblik në fillim të tij

• Një tabelë ku tregohet kush e shkroi çdo libër biblik dhe vendi e koha kur u shkrua, si edhe cilën periudhë prek

• Një pjesë me ngjyra që përmban harta, tabela kronologjike dhe diagrame

Ashtu si të gjitha botimet e Dëshmitarëve të Jehovait, JW Library disponohet falas. Ky program biblik që financohet tërësisht me kontribute vullnetare, deri tani është shkarkuar më shumë se një milion herë. (2 Korintasve 9:7) Pse të mos e provosh e të kënaqesh me këtë bibliotekë portative unike?