MËSIMI 20
Si është i organizuar kongregacioni?
Jehovai nuk është Perëndi i rrëmujës. (1 Korintasve 14:33) Prandaj, pritet që populli i tij të jetë i organizuar. Si është i organizuar kongregacioni i krishterë? Çfarë mund të bëjmë që të lulëzojë?
1. Kush është kreu i kongregacionit?
«Krishti është kreu i kongregacionit.» (Efesianëve 5:23) Ai e mbikëqyr nga qielli aktivitetin e popullit të Jehovait anembanë botës. Jezui ka emëruar ‘skllavin besnik dhe të mençur’—një grup të vogël pleqsh të pjekur, që njihen edhe si Trupi Udhëheqës. (Lexo Mateun 24:45-47.) Ashtu si apostujt dhe pleqtë e shekullit të parë në Jerusalem, Trupi Udhëheqës u jep drejtim kongregacioneve në mbarë botën. (Veprat 15:2) Por ata nuk janë krerët e organizatës sonë. Ata mbështeten te Jehovai dhe te Fjala e Tij për drejtim, e i nënshtrohen Jezuit si kreu i tyre.
2. Çfarë roli kanë pleqtë?
Pleqtë janë burra të pjekur të krishterë, që mësojnë dhe e bazojnë mësimdhënien te Shkrimet. Si barinj të dashur, kujdesen për popullin e Jehovait duke i ndihmuar dhe duke u dhënë zemër. Ata nuk paguhen për këtë. Përkundrazi, e bëjnë ‘vullnetarisht, siç do Perëndia; jo duke lakmuar fitime të pandershme, por me zell’. (1 Pjetrit 5:1, 2) Pleqve u vijnë në ndihmë shërbëtorët e kongregacionit, të cilët me kalimin e kohës mund të kualifikohen për të shërbyer edhe vetë si pleq.
Disa pleq janë caktuar nga Trupi Udhëheqës për të shërbyer si mbikëqyrës qarkorë. Ata vizitojnë kongregacione të ndryshme për t’u dhënë zemër dhe udhëzime. Këta mbikëqyrës qarkorë emërojnë si pleq ose shërbëtorë kongregacioni burra të krishterë, të cilët përmbushin kërkesat e përmendura në Shkrime.—1 Timoteut 3:1-10, 12; Titit 1:5-9.
3. Çfarë roli ka secili Dëshmitar i Jehovait?
Të gjithë në kongregacion ‘e lëvdojnë emrin e Jehovait’, duke marrë pjesë aktivisht në mbledhjet e kongregacionit dhe duke bërë aq sa munden në shërbim sipas rrethanave.—Lexo Psalmin 148:12, 13.
SHQYRTO MË TEJ
Mëso se ç’lloj kreu është Jezui, si përpiqen ta imitojnë pleqtë dhe si mund të bashkëpunosh edhe ti me Jezuin e me pleqtë.
4. Jezui—një udhëheqës që na përtërin
Jezui na ka bërë një ftesë të ngrohtë. Lexoni Mateun 11:28-30 dhe më pas diskutoni për këtë pyetje:
-
Ç’lloj kreu është Jezui dhe si dëshiron ai që të ndihemi?
Si e imitojnë pleqtë shembullin e Jezuit? Shihni VIDEON.
Bibla tregon qartë se si duhet ta përmbushin pleqtë caktimin e tyre.
Lexoni Isainë 32:2 dhe 1 Pjetrit 5:1-3 e më pas diskutoni për këto pyetje:
-
Si ndihesh kur e di se pleqtë, ashtu si Jezui, përpiqen t’u japin forcë të tjerëve?
-
Cilat janë disa mënyra të tjera se si pleqtë e imitojnë Jezuin?
5. Pleqtë mësojnë me anë të shembullit të tyre
Sipas Jezuit, ç’pikëpamje duhet të kenë pleqtë për rolin e tyre në kongregacion? Shihni VIDEON.
Jezui ka vendosur standardin për ata që marrin drejtimin në kongregacion. Lexoni Mateun 23:8-12 dhe më pas diskutoni për këtë pyetje:
-
Çfarë të bën përshtypje kur krahason standardin që ka vënë Bibla për pleqtë me atë që bëjnë udhëheqësit fetarë?
-
A. Pleqtë përpiqen që ata dhe familjet e tyre të kenë një marrëdhënie të mirë me Jehovain
-
B. Pleqtë kujdesen për të gjithë në kongregacion
-
C. Pleqtë predikojnë rregullisht
-
Ç. Pleqtë janë mësues. Gjithashtu, ata ndihmojnë me pastrimin dhe me punë të tjera.
6. Të bashkëpunojmë me pleqtë
Bibla na tregon një arsye të rëndësishme pse të bashkëpunojmë me pleqtë. Lexoni Hebrenjve 13:17 dhe më pas diskutoni për këto pyetje:
-
A të duket e arsyeshme që Bibla na nxit të jemi të bindur dhe të nënshtruar ndaj atyre që marrin drejtimin? Pse?
Lexoni Lukën 16:10 dhe më pas diskutoni për këtë pyetje:
-
Pse është e rëndësishme të bashkëpunojmë me pleqtë edhe për gjëra në dukje të vogla?
DISA THONË: «Mund ta adhurosh Perëndinë sipas mënyrës sate. Nuk ka nevojë të ndjekësh një fe.»
-
Çfarë dobish nxjerrim kur e adhurojmë Perëndinë bashkë me kongregacionin?
PËRMBLEDHJE
Jezui është kreu i kongregacionit. Ne bashkëpunojmë me kënaqësi me pleqtë, të cilët janë nën mbikëqyrjen e Jezuit. Ata na japin forcë dhe na mësojnë me anë të shembullit të tyre.
Si do të përgjigjeshe?
-
Kush është kreu i kongregacionit?
-
Çfarë ndihme i japin pleqtë kongregacionit?
-
Cili është roli i çdo adhuruesi të Jehovait?
EKSPLORO
Shiko prova që tregojnë sa merak kanë Trupi Udhëheqës dhe pleqtë e tjerë për të krishterët sot.
Mëso për punën që bëjnë mbikëqyrësit qarkorë.
Lexo për rolin e çmuar që kanë gratë në kongregacion.
«A përfshihen gratë në mësimdhënie mes Dëshmitarëve të Jehovait?» (Kulla e Rojës, 1 shtator 2012)
Zbulo sa fort përpiqen pleqtë për të inkurajuar bashkëbesimtarët.
«Pleqtë e krishterë—‘Bashkëpunëtorë për gëzimin tonë’» (Kulla e Rojës, 15 janar 2013)
Mund të të pëlqejë edhe . . .
PYETJE QË BËHEN MË SHPESH
Çfarë është kursi për studimin e Biblës që ofrojnë Dëshmitarët e Jehovait?
Nëpërmjet programit interaktiv falas që ofrojnë Dëshmitarët e Jehovait, mund të përdorësh çdo lloj përkthimi të Biblës. Ndihu i lirë të ftosh tërë familjen ose miqtë e tu.
