Bhaibheri Rinotii Nezvekugara Pamwe Chete Musina Kuchata?
Mhinduro yeBhaibheri
Bhaibheri rinoti Mwari anoda kuti vanhu ‘varege upombwe.’ (1 VaTesaronika 4:3) Parinoshandiswa muBhaibheri, shoko rekuti “upombwe” rinosanganisira varume vanoita vamwe varume vakadzi, uye munhu anorara nemurume kana mudzimai asiri wake.
Nei zvichikosha kuna Mwari kuti murume nemukadzi vachate?
Mwari ndiye akatanga urongwa hwekuti vanhu varoorane. Akaita kuti vanhu vaviri vekutanga vave murume nemudzimai vakaroorana. (Genesisi 2:22-24) Haana kumboti murume nemukadzi vagare pamwe chete vasina kuroorana zviri pamutemo.
Mwari anoziva zvakanakira vanhu. Akaita kuti muchato uve mubatanidzwa usingagumi pakati pemurume nemudzimai, uyo waizobatsira vese mumhuri uye kuvachengetedza. Chimbofunga nezvemuenzaniso uyu. Mugadziri wemidziyo ndiye anotipa mirayiridzo yekuti tingashandisa sei zvakanaka mudziyo wacho. Kungofanana neizvi, mirayiro yaMwari inotiudza zvekuita kuti tive nemhuri dzakanaka. Mitemo yaMwari yagara ichibatsira vaya vanoitevedzera.—Isaya 48:17, 18.
Munhu akagadzira mudziyo ndiye anotipa mirayiro yekuratidza kuti tinoshandisa sei mudziyo wacho. Mirayiro yaMwari inotiudza zvekuita kuti tive nemhuri dzinofara
Vanhu vakaita bonde vasati vachata zvinogona kukonzera matambudziko akakura. Semuenzaniso, zvinogona kuguma nepamuviri pasingadiwi, zvirwere zvinotapuriranwa pabonde uye kushushikana mupfungwa. a
Mwari akabvumira bonde senzira yekuti vanhu vaberekane. Mwari anokoshesa upenyu, uye kukwanisa kubereka chipo chinobva kwaari. Mwari anoda kuti tiremekedze chipo ichocho nekukoshesa urongwa hwake hwekuroorana.—VaHebheru 13:4.
Zvakadii nekumbogara pamwe chete musina kuchata muchimboona kuti munozokwanisa kugarisana here?
Kumbogara pamwe chete musina kuchata muchimboona kuti zvinoita here kuti muzogarisana, hakuiti kuti pave nemba inobudirira. Asi rudo runosimba kana vakaroorana vacho vakazvipira kune mumwe wavo uye vakashanda pamwe chete kuti vakunde matambudziko. b Muchato unoita kuti munyatsozvipira.—Mateu 19:6.
Vakaroorana vangava sei newanano yakasimba?
Wanano dzese dzinoumbwa nevanhu vanotadza. Zvisinei, vakaroorana vanogona kuva nemufaro mumba mavo kana vakashandisa mazano ari muBhaibheri. Ngationei mienzaniso inotevera:
Tanga kufunga zvinodiwa nemumwe wako panzvimbo pekufunga zvaunoda iwewe.—1 VaKorinde 7:3-5; VaFiripi 2:3, 4.
Ratidza kuti munodanana uye munoremekedzana.—VaEfeso 5:25, 33.
Funga usati wataura.—Zvirevo 12:18.
Iva nemwoyo murefu uye kurumidza kuregerera.—VaKorose 3:13, 14.
a Ona nyaya inoti “Vechidiki Vanobvunza Kuti . . . Ko Kana Ndichimanikidzwa Kuita Bonde?”
b Ona nyaya yakanzi “Mhuri Dzinofara—Kuzvipira.”
Zvimwe Zvaunogona Kufarira
WANANO UYE MHURI
Tinofanira Kugara Tese Tisati Tachata Here?
Vamwe vari kudanana vanofunga kuti kugara vese vasati vachata kunovabatsira kugadzirira kuzopinda muwanano. Izvozvo ndizvo zvakanaka here, kana kuti pane zvimwe zvinogona kuvabatsira?
MUKAI!
Kuita Bonde Vanhu Vasati Varoorana Kwakaipa Here?
Ona zvinotaurwa neBhaibheri nezvevanhu vanoita bonde vasati varoorana uye zvimwe zvinhu zvinoitwa pakuratidzirana rudo.
MIBVUNZO YEBHAIBHERI INOPINDURWA
Bhaibheri Rinorambidza Kunakidzwa Nebonde Here?
Kuita bonde chivi here?
MIBVUNZO YEBHAIBHERI INOPINDURWA
Bhaibheri Rinotii Nezvewanano?
Mazano ari muBhaibheri anogonawo kubatsira vakaroorana kuti vasanetsana kana kuti vagadzirise zvinhu zvinenge zvichinetsa.
MIBVUNZO YEBHAIBHERI INOPINDURWA
Bhaibheri Rinogona Kundibatsira Here Kuva Nemhuri Inofara?
Mazano ouchenjeri anobva muBhaibheri akabatsira varume nevakadzi vakawanda kuti vafare mumhuri.
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.